Sul #20

Sul dija ? Eh beh… Da vezañ imoret mat da gentañ, un nebeud munutennoù eus buhez ur vaot :p

Ar wech diwezhañ e oa bet graet goap eus Zelda, setu Conan: the Musical bremañ 😀 Ha peogwir ne vez morse a-walc’h a Star Wars e c’heller ober goap eus Luke ivez, gant ur remix eus komzoù ur film gant skeudennoù egile ^^ (evel just n’eo farsus nemet ma anavezit IV, V, VI dre eñvor :p)

Komzet e vez kalz eus an efedoù a c’heller ober er filmoù dre urzhiataer bremañ, ha pegen gwirion e c’hellont bezañ, met chom a ra lod a ra gwir efedoù c’hoazh, ur maskl e lateks peurwirion, da skouer (war bouez ar beg a zo iskis e seblant pep tra gwir a-walc’h memestra oO). Lod all a ra traoù… n’int ket ken gwirheñvel ^^ Brezeliñ gant armoù e karton, da skouer ^^ Hag al live a-us, ar c’harr-hobregonet e karton ha pvc :p

Ha peogwir ez eus traoù brav ivez, Your secret, ur film diwar ho penn, pe evidoc’h, d’an nebeutañ.

Sul #19

Ya, ar sul a zo evel ar gwastilli en ti-mañ, pa ne vez ken e vez c’hoazh (Tiramisú ar wezh-mañ ^^) N’am eus ket bet tro da lakaat an dastummadig liammoù sizhunvezhiek dec’h, hiziv e vo neuze ^^

Me zo sur n’ho peus ket bet a-walc’h a Star Wars ar wezh tremen, setu unan all neuze, un TB-TouTou, mar karit (ya, e galleg emañ ar c’hoari-gerioù, iskis e vefe e brezhoneg :p, met gwelet e vez oc’h ober TB-TiTich :D). N’ouzon ket penaos eo bet graet, gant un urzhiataer hep mar, ha setu un dra alla a c’heller ober gant un urzhiataer, da ziskouezh pegen galloudus e c’hell merañ ar gouloù hag ar fizik bezañ er c’hoarioù-video bremañ (ha dont a ra a benn da lakaat brikennoù o tañsal da vezañ brav oO), ha bruderezh eus an dazont, ivez.

Ha keit ha m’emaomp gant bruderezh, setu ar pezh a c’hoarvez pa vez mesket Pixar ha Google ^^, hag amañ amañ ar pezh a c’hoarvezfe ma yafe Apple re bell [NSFW] :p

M’ho peus c’hoant un tammig barzhoniezh kentoc’h e c’hellit dont d’e glask amañ, ijin a zo gant tud ‘zo, memestra. Hag e keit-se ez eus tud a ra traoù digredu, evel ur film Batman a 30 munutenn a dalvez ar boan gwelet. N’ouzon ket peseurt budjed o doa met waow. Hag en un doare all penn-da-benn, The Legend of Awesome, d’ober goap eus Zelda un tammig (PETRA ? eme ar c’heekezig :p), c’hoarioù video all a zo goapaet gant an hevelep re, mar klaskit traoù awesome ^^

Sul #18

Un tammig Star Wars da gregiñ? Ur bern c’hoarioù video a zo bet, hag a vo c’hoazh, ha filmigoù brav a zo bet krouet evito ^^ Setu amañ an teaser evit The Old Republic, un MMO da zont, ur filmig gant sabrennoù-lazer, kloned, robotoù Sithed (sited ?), un Jediez (Jedayez ?) hag he deubeul-sabrenn-lazer, etre fin an trede ha penn-kentañ ar pevare, war Alderaan… Nerdgasm (Starworgasm ?). Ha ma n’eo ket a-walc’h evidoc’h ez eus un arzh o c’hoari gant ur sabrenn-lazer amañ (n’eus nemet efed ar sabrenn a zo ouzhpennet, ar pezh a ra da vat a zo zouezhus dija !). Ha un tammig choazh, ar pennc’heekelezh, ur meskaj Lost ha Star Wars :p (Locke gant ur sabrenn lazer = epic win ^^)

Keit ha m’emaomp gant an traoù geekel, setu tudennoù Aotroù ar Gwalennoù e feur evit ho pabiged ^^ (freaky, memestra :p). N’eo ket geek a-walc’h evidoc’h ? Mmmmh, un den o tisplegañ penaos o deus lakaet ur robot da c’hoari bilhar, marteze ? 😀 Ha penaos e vefe ma vefe graet ar pezh a ra un urzhiataer hiziv an deiz gant an dorn ? (farsuoc’h eo ma ouzit peseurt trouzioù a ra ur Mac ^^)

Ale, pellaomp eus ar geeked iskis-se, deomp da welet un deiziadur pin-uped noazh kentoc’h, a ziskouez pep tra da vat (na vezit ket aon, n’on ket troet da sot memestra ^^). Mmmh, kement ha bezañ gant an traoù iskis, evit ar re n’hellont ket dibab etre CD ha Vinyl, setu unan en eus lakaet an daou war an hevelep pladenn 😀

E mod all e vez atav an dud a fell dezho sikour a laka an traoù da vont falloc’h: Smoking Will Kill You, ur berrfilm plijus a-walc’h.

Setu holl, folks ^^

Sul #16

War a seblant emañ al Legoioù diouzh ar c’hiz er mare-mañ war ar gwiad ! Da gentañ ez eus bet skeudennoù, goude-se ur mekanig na servij da netra (met digredus a-walc’h, eizh unutenn oc’h heuliañ hentig un nebeud bolotennoù a-dreuz an hentad lego-technic !), ha setu ur voullerez, bremañ !

E mod all ez eus ijin gant ar puboù c’hoazh, honnez da skouer, evit LG, a zo ur gwir berrfilm, un istro a-bezh hep komzoù, padal e ped adidas ur bern tud vrudet (euh, sañset, n’anavezan ket ar sportourien :p) e-barzh unan eus tammoù mojennel (sic) Star Wars, ar c’hantina, evit brasañ plijadur ar re a fellfe dezho gwelet un doare all c’hoazh gant Greedo da vervel ^^

Gouzout a ran e vefe poellekoc’h lakaat seurt liammoù da vintin, ma fell deoc’h o gwelet e-kerzh an devezh… Mmmh, ret e vo din prientiñ-se gwelloc’h :p Met n’on ket boa c’hoazh gant tizh digredus (ahem…) internet amañ, keñveriet gant Galway, ha kalz hiroc’h eo sellet eus 10 000 film 😉 (n’eo ket evit netra em boa kroget d’ober kalz muioc’h du-hont ^^).

Sul #15

Mmmmh ! War a seblant em boa ezhomm eus un hir a nozvezh c’hoazh ! Gaaaargl. Ur boud noz on marteze, ha marteze ivez emañ ma c’horf o klask lakaat ac’hanon d’en kompren ! Kooooouuusssk e-pad an deeeeeeiiiiz…, emezañ ^^ Evel just n’em eus ket bet kalz amzer da straniñ war TEH INTERWEBZ, evel ma lavarfe kizhier a anavezan, met un nebeud traoù memestra :

• Ha me soñje din e oa marvus an cheesecake… gwashoc’h ‘zo ! Ur skeudenn eo  hepken, pe un heuliad skeudennoù kentoc’h, hogen pa yan d’ober un dro war YouTube e kinnig video-où rekipe din diouzhtu… Daoust ha ken anat eo e plij ar sukr din ? Tsss !
• Switch, un dresadennig-vev (ha chomit betek ar fin !)… Plijout a ra ar stil tresañ din kalz, ha fent a zo ^^
• M’ho peus gwelet Iron-Man e kavoc’h Iron-Baby ken fiskal all (ha ma n’ho pefe ket gwelet ar film, zoken ^^); souezhus eo pegen mat eo graet e gwirionez ^^
• Ijinourien Dyson o tiskouez an traoù droch a c’heller ober gant o ijinadenn ziwezhañ, ur avelaer diviñs (a zo brav hag a seblant efedus, ez teorikel ^^)
• M’ho ‘peus prenet un iPad (gant ar vezh, petra an diaoul ‘maoc’h o vont da ober gant se ?) e c’hellit ober gant an doare-mañ d’e implij ha d’e stagañ e pep lec’h ! Youc’hoù !… :p
• Ma ‘z oc’h bet o straniñ dre amañ hag o klikañ war al liammoù a lakan da sul e ouzit marteze e plij ar filmoù n’ho deus ster ebet din a-wechoù… Setu unan all neuze, a zo graet brav, evel gant paper 🙂 (ha ret eo din deskiñ seniñ gant ar piano)
• M’ho peus anavezet ar c’hoari Worms (piv n’en deus ket !) e vo c’hoarzhadeg amañ (ha sellit eus lod all graet gant ar memes tud, lod a zo ken farsus all ^^)

Sul #14

Oho, traoù am eus da gontañ deoc’h ! Emaon o vont da gousket da gentañ (ezhomm ‘zo), ha gwelet ‘vo se warc’hoazh 😉 Un nebeud filmoù ha video-où a-bep-seurt da c’hortoz :

• Bruderezhioù ‘zo o deus ijin, pe a zo graet mat d’an nebeutañ, unan all, unan all c’hoazh (n’eo ket bemdez e vez Michael Bay oc’h ober goap outañ e-unan ^^), hag ur pevare (div evit priz unan, e gwirionez, sapre Peugeot ^^)
• Lod all o deus ijin evit klipoù o c’hanaouennoù
• Fly, ur filmig graet gant ar studio a ra Wallace ha Gromit (met ket e toaz-merat ar wech-mañ ^^), doareoù mat  a zo d’en em zizober eus ur gelienenn… Ha lod n’int ket ken mat 😉
• Emañ ar robotoù o tont; ha pa ne vint ket laouen ken… :p
• Tu a zo da cheñch ster kalz traoù gant un dibab lodennoù ha sonerezh 😀
• Unan eus ar bravañ tresadennoù-bev am eus bet gwelet, ken simpl ha ken brav ❤ (ha skiant-faltazi ^^)
• Ha kement ha bezañ gant skiant-faltazi, m’en doa plijet an Alien versus Predator-où deoc’h (mmh, nanar serie B, evel-just, met ne oa ket re fall an hini kentañ :p) ez eus bet graet ur filmig 20 munutenn gant un den, un den ha 500 dollar, ha n’eo ket fall tamm ebet !

Sul #13

Hop, hop, un nebeud liammoù buan ha buan, kent din lammat betek ar gegin evit ur wastell nevez (ya, c’hoazh ! ) ha kenderc’hel gant ma labour…

Filmoù:

• Up vs Gran Torino, ya, mont a ra mat mouezh Clint d’an tadig-kozh eus Up ^^
• Pop, pop pop pop goes the world ? ^^

Lec’hiennoù :

• Stereotypes, un nebeud kartennoù diwar ar pezh a lavarer eus hon amezeien. Ma plij seurt konerioù gant kartennoù deoc’h ho alian da vont d’ober un dro war Strange Maps, a ginnig traoù digredus a-wechoù ^^
• Speed of Light, un diskouezadeg savet diwar lazeroù (klikit war ar skeudenn evit cheñceh anezhi), traoù brav-tre a zo, ha lod all fentus a-walc’h (ar gourvez-vank, da skouer ^^)
• Dubai, ur skeudenn 45 Gigapiksel. GIGApiksel !! N’eus ket kalz a dra dedennus da welet, siwazh, met gellout a reer tremen eurvezhioù o pourmen enni !

N’eus ket kalz a dra met n’am eus ket amzer evit straniñ er mare-mañ dre ma klaskan bezañ sirius (!). Gwelloc’h e vo a-benn un nebeud devezhioù, pa vin e vakañsoù da vat (Yiiiiiiiiiiiiiiiiiiiiiiiiiic’hoooooooù !)

Sul #12

War a seblant n’on ket an hini nemetañ o kaout poan da sevel da vintin, hirik eo Alarm, met graet brav, hag ar penn-kentañ a zo ur mintin moranek penn-da-benn ! Ma, n’on ket d’ar poent-se c’hoazh marteze, met ‘maon ket pell.

Lod a ra traoù digredus gant paper : Airplane, lod all a ijin buhezioù d’ar paper-se en ur vevskeudenn Harcover & Paperback, padal e vez lod oc’h en em zizober anezhañ penn-da-benn, hag o skrivañ war ar mogerioù (met m’eo ken efedus an diverkañ hag an taolennoù velleda hon oa er skol…)… Kentoc’h eget ijinañ traoù e c’hellit bezañ enno, e-barzh Star Wars, da skouer, m’ho peus skeudennoù diouzhoc’h hag un nebeud mignoned (pe Avatar pe Iron Man, m’ho peus ur webcam, met n’eo ket ken farsus hag o kwelet er film da vat !).

Hogen lakaomp e fellfe deoc’h krouiñ, da vat, kit d’ober un dro war lec’hienn Aviary, a ginnig un doare photoshop en-linenn (gant gwiskadoù ha tout !), ur poellad da labourat gant sonerezh (ha traoù dispar a c’heller ober, gant n’ouzon ket pet ‘kanol’ disheñvel) hag un nebeud re all. Graet mat-tre, efedus-tre, brav an taol. En desped da se,  keit ho po c’hoari gant photoshop hag efedoù, a-wechoù e teu an natur da adkas da soñj deoc’h n’oc’h eus ijinet netra (ah, m’am befe 1/100 eus donezon al luc’hskeudennerien-se ! ^^) Reiñ a ra c’hoant din mon da bourmen, sell ‘ta ^^

Hag evit ar re o defe soñj bezañ c’hoariet pokemon war o GameBoy: a wild airport appears !

Sul #10

Boñ boñ boñ, gant bordel bras ar sizhun-mañ em eus ezhomm amzer a-benn adtapout al lusk, war a seblant ! Met plijus adkavout an dud amañ, ha mont ‘maez ivez ^^ Netra gwelloc’h evit gwellaat an imor, neketa ?
Ma, n’em eus ker bet kalz amzer da sellet eus kalz traoù, hag un darn vras eus ar pezh am eus sellet a oa diwar-benn StarCraft II (miam, ur c’hoari-video a c’hortozer abaoe 10 vloaz ^^) ha Photoshop CS5 (da lavaret eo an hini a zeu, a zeu er-maez a-benn un nebeud devezhioù hag a zo digredus, me lavar deoc’h !), da lavaret traoù ne zedennfent ket kalz tud amañ ^^

Un nebeud traoùigoù memestra:

• Space Monkey, graet gant WWF, soñj o peus eus ar varmouzed a veze kaset en egor ? Emañ unan du-hont c’hoazh ^^
• When it Will Be Silent, skiant faltazi ? Iskis a-walc’h, ur bed… eee… goudeapokalipsel ? N’eus ket kalz ‘istor’ da vat, ur film aergelc’h kentoc’h…

e saozneg 

• The Raven, ur film a ra trouz war ar Gwiad er mare-mañ, skiant-faltazi, $5,000, efedoù graet mat a-walc’h… Plijus ‘m eus kavet, daoust m’eo berrig, hag e vefe ret ober un heuliad, a-dra-sur.

Hag evit echuiñ…

• Eyjafjallajökull – Fimmförduháls Eruption on Iceland, ^^ ur menez tann all sañset, juuuust e-kichen, a oa o tarzhañ ivez :p

Seeeeeetu, warc’hoazh: labourat.

Liammoù, neuze :)

N’on ket erru, me lavar deoc’h ! Nullet pep tra betek dimerc’her d’an nebeutañ… Ha ne ya ket ar goumoulenn war wellaat en Iwerzhon… Tsss ! Boñ, setu al liammoù am boa evit dec’h, peadra d’am lakaat da vousc’hoarzhin d’an nebeutañ 😉

Filmoù

Big Catch, haha, dispar, reiñ kement a bersonelezh da loened hep o lakaat da gomz, dispar ^^ N’eus ket da gaout aon evit dazont Pixar, Dreamworks hag all !

Umbrella, un doare hag un tem disheñvel penn da benn, met plijus kement-all. Plijout a ra kalz din ar re a ra tresadennoù-bev c’hoazh, ha ket bevskeudennoù hepken…

E saozneg

The last 3 minutes, anat a walc’h an titl, met pegen brav ar film ! Sellit e HD, ha bezit bammet pa lavaran deoc’h eo bet graet gant ur benveg luc’hskeudenniñ niverel hepken, ket ur c’hamera ! Ar C’hanon 5D… En deus servijet da filmañ lodenn ziwezhañ Dr. House ar bloaz- mañ er Stadoù-unanet ivez ! Fin ar melloù kameraoù ?

E galleg

Garde-fou, graet brav tre, dispar mouezh ar psy (ur Morgan Freeman gall, ur bli-ja-dur, ul lip-e-skouarn zoken ^^), hag ur fin eus an dic’hortozañ. Ne lavarin ket hiroc’h, met dispar em eus kavet.

Ul lec’hienn

The inability to solve war ar a cocktail party, n’eus netra da gompren, netra da vat ^^

Ul lec’hienn all am boa met ne ya ken en dro ken war a seblant, mar distro en lakain ar sizhun a zeu… Ale, distreiñ a ran d’ar c’heleier meteo…

Sul #8

Hop hop hop, emaon diwar-dizh, ha n’am eus ket kalz amzer ^^ Emañ Dr. House war ar skinwel ouzhpenn-se ! Un devezh brav ouzhpenn, d’am soñj emañ Iwerzhon oc’h ober goap ouzhin da vat ^^ Penaos emañ an amzer e Breizh ? Tro am eus bet da sellet eus un nebeud traoù memestra… Setuuuuu :

Filmoù :

• Paralell lines, ur soñj a gavan dispar a-walc’h, 5 film disheñvel mik met gant an hevelp komzoù. N’eus ket kalz anezho, gwir eo, hag evit ober bruderezh evit skinwel nevez phillips eo, met ur sapre live a zo, ha diskouez a ra enaos e c’heller ijinañ ur bern traoù diwar an hevelep diazez. Un tammig pounner al lec’hienn (muioc’h eget un tammig), met gellout a rit dibab yezh an istitloù. Mod all e c’hellit gwelet ar filmoù war youtube :
  • The Hunt
  • DarkRoom
  • El secreto de Mateo
  • The Gift
  • Jun and the hidden skies
• Pixels, unan a ra trouz war an etrerouedad er mare-mañ ^^ Taget ar bed gant pikseloooooù ! Aaaarg ! Ur redi sellet outa@ evit an disterañ geek.

e galleg

• Fard, dis-par. Mont a ra pelloc’h eget un dresadenn-vev hepken. Pebezh ijin, ha pebezh stil, ur sapre labour, me lavar deoc’h.
• Skhizein, ken dispar all. Un den o vevañ da 91 kantimetr  dioutañ. Iskis, hañ ? Kit da welet a-benn kompren ^^

e saozneg

• The Matrix Runs on Windows, anat a-walc’h an titl, d’am soñj ^^ Pa sonjan e oa deuet ar film e 1999 ! Er skolaj e oan c’hoazh 🙂

Sonerezh

• I Gotta Feeling, gant skipailh Collegehumor ivez, oc’h ober goap eus kanaouenn ar Black Eye Peas… Sarpant-niiiiiij !

 Setu setu, ret eo din echuiñ gant ma fakañ… Dont a benn da lakaat ar muiañ a draoù posupl er bihanañ plas >__<

Sul #7

Sul fask hiziv, ha pedet tud ganeomp, un doare meskaj etre hengounoù Iwerzhon, Aostria, Breizh ha Bro-C’hall. Plijus-tre an devezh daoust d’ar glav ^^ Gant ar c’hudennoù a zo bet gant ma Internet ez eo bet diaes un tammig mont da ziskoachañ filmoù, lec’hiennoù pe traoù all… Afi, sed aze un nebeud re memestra 😉

Filmoù:

• Trichrome Blue, ah, barzhoniel, plijout a ra din a vez labouret war ar sonerezh hag an trouzañ…
• Kiwi!, kozh a-walc’h bremañ, met evit an nebeud re n’ho defe ket gwelet dija ^^
• Okatapodi, savet e skol ar Gobelins e Pariz, awenet gant Pixar hep mar, bet tapet un oscar gato e 2009 war a seblant ^^ farsus-tre 😉
• Monstera Deliciosa, ha tud donezonet a zo forzh pegement er Gobelins, just a-walc’h ^^

sonerezh:

• Until the day is done, ur film evit kanaouenn R.E.M., ur stollad a blij kalz din.
• La Gaité Lyrique, n’ouzon ket ma zo tra pe dra da gompren, met mont a ra ar film mat gant an titl

e saozneg:

• Cs5: Content-aware fill, pe penaos e vo faosoc’h c’hoazh ho luc’hskeudennoù gant doare nevez photoshop; video-où all a zo war al lec’hienn, mar fell deoc’h gwelet muioc’h a draoù digredus oO (betek gellout keginañ ?)
• g., un den a fell dezhañ nijal, en un doare disheñvel. Plijout a ra kalz an doare filmañ hag an aergelc’h din ^^
• RE: Monday, digromprenus, tenn, n’ouzen ket petra soñjal eus ar fiml-se betek ar fin. Met kenderc’hel a raer da sellet, tapet an higenn er spered.

Lec’hiennoù:

• Ma bed divyezhek, lammet Stefan e-barzh ! Done mat dit neuze e bed faltazius WordPress 😀
• 100 Pixar characters, ur skeudenn kentoc’h eget ul lec’hienn, da lidañ 100 tudenn  krouet gant speredoù dispar tud Pixar (alese an titl ><)
• Zoomquilt II, un oberenn arzel a stroll (lezit da gargañ ur mare)

Ma, a-benn ar fin ez eus kalzig traoù ^^

Sul #6

Arrrgl, re verr eo an devezhioù, ha berroc’h c’hoazh gant un eurvezh toutou nebeutoc’h :p Emaon o kalsk liesoberiañ ar gwellañ ma c’hellan… Hep dont a-benn ken mat hag ar pezh a fellfe din ^^

E-giz-se eo bet a-hed ar sizhun tamm pe damm, tra ma krogan gant al labourioù am eus da rentañ a-benn fin ar c’hwerc’hmiziad (labourat a ran mat pa vez mall, un tammig re abred eo c’hoazh ^^), ma adwelan evit an iwerzhoneg (arnodenn dre-gomz dimerc’her, dirak daou gelenner, gant ur sonenroller >.<), ma echuan al levr (a zlefe bezañ prest evit an dibenn-pred ^^) emañ gorrekoc’h-gorrekañ an internet dre amañ… Ma, evit poent e ya mat an traoù war-raok memestra. Daoust ha padout a raio ? Bah… gwelet vo :p

Filmoù:

• Things Last, en ‘efe ranket bezañ gant an dastumad SF, hag am eus disoñjet >.< Graet eo mat-kenañ, a gavan, ha dedennus a-walc’h, gant un tammig fent, dres evel a blij din.
• Pivot, ar mare ma ya an traoù da fall… Ur stil iskis marteze, met efedus.

e saozneg

• A Trailer for Every Academy Award Winning Movie Ever (ahaha, an titrloù hirañ ar gwellañ ^^), ma kavit e seblant an holl filmoù kinniget en Oscar bezañ savet war an hevelep patrom hag eo borrodus ha feneant Hollywood… Gourfasus da vat (gourfarsus-kabidant, zoken). Kit da welet video-où all ar strollad, mar plij deoc’h (ha ket ganeoc’h, me ne ran ket van ^^), war britanick.com, lod a zo farsusoc’h c’hoazh ^^
• Broken Things, n’eo ket ken farsus (pa weler an titl…), met graet eo mat, istor ur paotrig o welet e dud o tizimeziñ, o klask peoc’h er piano. Kalsel a-walc’h an istor, met gwirion-tre an tudennoù, ha dedennus.

Lec’hiennoù:

• TinEye, marteze ne servijo ket deoc’h alies, met dispar e kavan ar soñj. Ul lusker-enlask eo (evel Google pe Bing, ma fell deoc’h), met kentoc’h eget kalsk gant gerioù e kalsk skeudennoù. Kinnig a rit ur skeudenndezhañ ha kavout a raio deoc’h ar re heñvel. Da betra servij ? Da gavout mentoù disheñvel, da skouer. Meur a wech em eus kavet skeudennoù bihan, re vihan evit ar pezh a felle din ober ganto (pe c’hoari gant photoshop pe lakaat da foñs-skramm e vefe), poufpouf, kavet ar skeudenn d’ar vent vat !
• DaFont, n’eo ket nevez, met ma vezit o klask ur polis-skritur (font) evit tra pe dra e kavot ho peadra aze sur a-walc’h, hag evit netra. Implij a ran kalz polisoù, ha plijout a ra din kaout un dibab. Lechiennoù all a zo met graet mat eo honnezh, ha kavet ‘ m eus ar pezh a felle din betek-hen ^^

Hop, emañ House o kregiñ, poent eo din mont ! Ha distreiñ d’al labour goude-se 😉

Sul #5

Bet on bet o sikour ober ur film hiziv (savet da eizh eur d’ur sul ? N’a ket mat ?!), chomomp en tem neuze gant un dibabig eus an dibab (haha). Goude ar re Skiant-Faltazi an dibenn-sizhun tremenet, setu un nebeud filmoù moliac’h neuze ^^ Diaesoc’h da gavout eget re Skiant-Faltazi, dre ma ‘z int diaesoc’h da ober marteze ? Farsus a-walc’h gwelet tud gant armoù plastik pe garton o skeiñ war “houarn”-wiskoù paper ha barv faos, met n’eo ket gwall zedennus. Ur bern filmoù a vez graet dre c’hoarioù-video ivez (WoW dreist-holl), n’am eus ket o diskouezet amañ… Gant ma plijo deoc’h ^^

Arz

• Speedpainting a Dragon Again. Sklaer an titl… Bouc’houc’hoù c’hoant am befe da vezañ gouest da ober kement all !

Bevskeudennoù

• Mauvais Rôle, graet e Breizh (en ESRA, e galleg neuze) ! N’eo ket moliac’h kant dre gant, met plijout a rankfe ober d’ar geekelañ ac’hanoc’h… ^^
• The Fly, penaos eo deuet ar zen da Vaster Chen ^^

E saozneg

• Descendants, bleunioù a gomz, loened iskis a karantez dibosubl (gant mouezh Whoopi Goldberg memestra ^^)
• A gentlemen’s Duel, un doare steam-moliac’h (burezvoliac’h ?), un emgann etre ur gall hag ur saoz evit kalon ur vourc’hizez… Ah ! Met kalz farsusoc’h e gwirionez. Savet eo bet Gant Blur Studio, a zo brudet mat e bed ar c’hoarioù-video. Dleout a rafed kompren hep gouzout saozneg zoken.
• Assassin’s Creed: Initiation, a zikouez n’eo ket ret ober pep tra e 3D, hag ez eus un dazont gant an tresañ c’hoazh. Brav eo, met siwazh n’eo ket gwall zedennus mar n’anavezit ket ar choari. (mar plij deoc’h  Assassin’s Creed 2 hag e ved e Italia an adginivelzh e alian deoc’h mont da welet Assassin’s Creed Lineage, un heuliad berrfilmoù eus ar bravañ (emañ an 3 en 1 el liamm a roan))

Ha

• The le ar film: Born of Hope, un eurvezh dek a blijadur, soñjit ‘ta, ul lodenn all eus The Lord of The Rings, e doare P. Jackson. Un eurvezh ! Gellout a rit dibab e-touez meur a yezh evit an istitloù. C’hoarvezout a ra an istor a-raok an tri film o peus gwelet hag adwelet dija, diwar stagadennoù Tolkien ! Plijaaaaaaaaduuuur ! *glaour*

 

p.s.: Bonus droch evit ar re n’ho defe ket gwelet se c’hoazh: Farador, kebekiz oc’h ober goap eus D&D ^^

Sul #4

Lavaret am boa e vefe ur sulvezh SF, neuze, neketa ? Daoust ha lakaat a rin moliac’h ivez, pe derc’hel-se evit ur wech all ? Mmmh… Gwellomp ar pezh a c’hellan tennañ diouzh ma bouteg…

Filmoù ha bevskeudennoù:

• ARK, erru ur c’hleñved spontus war ar bed, hag an holl e bigi divent da glask repu. Petra neuze ma vezer klañv war vourzh ?
• Legacy, gant an hevelep aozer, petra a chomo diouzhimp ?
• Nightfall, dre urzhiataer penn-da-benn, un tammig kozh marteze, digomprenus marteze ivez. Brav koulskoude.
• Cut|Paste, distro ar re varv: an dazont ?
• E.T.A., netra da welet gant Euskadi, na rit ket biloù ^^. Eus an ira (hirañ, i.r.a, e.t.a., nann ? n’eo ket farus ? \o/) e c’hell ar beajoù bezañ en egor, dreist-holl el lestr-se.
• Connected, ur western SF, hervezo, made in Denmark. Hirig marteze, met n’eo ket fall tamm ebet.

e saozneg:

• Imprint, n’eo ket SF da vat marteze, ha gellout a rafe tost c’hoarvezhout hiziv an deiz. Ur wech ouzhpenn ez eus ur c’hleñved marvus warnomp. Betek pelec’h e yafed a-benn dreist-vevañ ? En lakaat a ran amañ peogwir emañ un tammig e doare ar romantoù psikologel a veze savet gant Dick.
• The Mysterious Geographic Explorations Of Jasper Morello, steampunk kentoc’h, met pegen digredus ar stil ! Ur gwir blijadur, da vat.
• The Terminal, kalz hard-sci-fi-oc’h, tost tre da zoare P. K. Dick, A. C. Clarke pe Asimov hervezon.
• Leap, etre moliac’h hag SF sur a-walc’h, met graet eo mat-te

Lec’hiennoù ne servijont da netra (ha n’int ket skiant faltazi da vat zoken >.<):

• How many people are in space right now (pik com !), anat a-walc’h an titl. Ha daoust ma vefe gwir e kavan faltazius a walc’h e c’hellfemp mont en egor. En egor ! Soñjit ‘ta !
• Blueball, ahaha, evit ar sonerezh tra-ken !

Ma, war a seblant e vo dalc’het ar moliac’h evit ar sizhun a-zeu !

Sul #3

Hag ur sulvezh all, youc’hoù ! Ha liammoù ! Youc’houc’hoù ! Aet on da ober un tamm tro er re am eus bet dastumet e kerzh ar mizioù paseet, setu ez eus traoù kozh a-walc’h a wechoù, hag o pezo gwelet dija marteze. Spi ‘m eus e vo un nebeud traoù n’anavezit ket ivez ^^ Sellit ouzh ar filmoù e HD ma c’hellit, plijusoc’h eo bepred 😉

Filmoù, diyezh (ha n’eo ket diaes ^^) an holl anezho:

• Synesthesia, mar fell deoc’h gouzout petra ‘ra bezañ kemeret dramm (sirius, c’hoant am eus da c’houzout ar pezh a gemeront, efedus e seblant bezañ !)… Klaskit petra dalvez an titl a-benn kompren (goude bezañ sellet, n’eo ket farsus ‘mod all ^^.
• Invisible Drumkit, n’eo ket ur film da vat met ul lodenn eus un abadenn gant Rowan Atkinson, a zo dispar-bazar.
• Last Day Dream, evel ma lavar an titl, pa dremen ho puhez dirak o taoulagad. Berr-kenañ, brav-eston.

Tresadennoù-bev 3D, ken diyezh all:

• Pigeon: Impossible, Pixar-ek tre, hag er gwellañ ster posubl.
• Machu Picchu Post, farsus ha koantig, ma vefe hunvreoù ar vugale o treiñ da wir…
• Les dangereux, ur berrfilm eus ar berrañ ^^

Lec’hiennoù:

• Pintando una canción, ne rit ket tra-pe-dra gant ar ganaouenn da vat, hogen brav eo, ha gellout a rit sellet en dro, ha n’eo ket fall ar ganaouenn ha… kit da welet. ^^
• Fucking Windows, netra da welet gant microsoft, cheñchit ment ho prenestr internet (hini o merdeer, ‘keta ?) ha gwelit ar pezh a c’hoarvez. Ya, ya, gouzout a ran ne servij da netra, gouzout a ran ^^

Chetu chetu, ar sizhun a-zeu e vo ur sulvezh Skiant-Faltazi hepken, hohoho !

Sul #2

Setu ar sul adarre, dija. Tremen a ra, tremen a ra ! Hag ur sizhunvezh all o pourmen war an Etrerouedad eo bet ^^
Setu an eost eus ar pezh am eus kavet en devezhioù paseet… Peurliesañ e c’heller sellet eus ar filmoù e HD, grit neuze !

Filmoù:

• Draw with me un dresadenn-vev vrav ha trist, barzhoniel-tre.
• The Horribly Slow Murderer with the Extremely Inefficient Weapon, e saozneg eo hogen gellout a rit dibab istitloù e 9 yezh (n’emañ ket brezhoneg en o zouez… C’hoazh ! ^^); drochoc’h film n’eus ket, gwelet a reoc’h

 e saozneg:

• Piano Man, ur film-berr dispar, un istor tro-dro d’ur soner piano, ur pellgomz hag ur bistolenn.
• Forever’s Not So Long, ur berrfilm all, karantez, petra rafed ma vefe fin ar bed ?
• The Cat Piano, un dresadenn-vev, doare ‘film-du’, glas tre, brav-tre.
• Logorama, un dresadenn-vev savet dre urzhiataer gant arouezioù merkoù brudet hepken (alese an anv), feulster ha gerioù gros, met ur sapre abadenn

Lec’hiennoù:

• Andy Awesome, oberennoù dibar un arzour ken dibar all
• Forbidden – Places, lec’hioù dilezet, lec’hioù difennet, luc’hskeudennoù mein kozh ha lurc’hskeudennoù un herelezh greantel aet da get. Brav eo ar mergl hag an dilez a-wechoù.

Setu holl !

Sul #1

Un hengoun a zo war kalzig blogoù ha lec’hiennoù: reiñ liammoù da sul. Diegi skrivañ traoù hir, hag amzer da sellet ouzh al liammoù sur a walc’h. Soñjet am eus neuze e c’hellfen ober ar memestra, ha rannañ ganeoc’h disoc’hoù ma geekadennoù sizhunvezhiel. N’eus yezh ebet gant ar re am eus da ginnig aze, ne vo kudenn ebet evit ar c’hompren neuze 😉

Sonerezh:

• In B flat, ul lec’hienn da sevel sonerezh en ur veskañ video-où youtube, dibar a-walc’h (a c’hell bezañ hir da gargañ)
• D.A.N.C.E (Justice Piano Cover), an ton sonet gant ur piano. Un doare a blij din kalz (sellet eus ar re all en deus graet !)

Filmoù:

• Codehunters, ur meskaj etre fallout/MadMax hag ur manga… Iskis, brav ha sebezus.
• Black and White, e gwenn ha du (geo !), hag ur fin souezhus 😉
• A Short Love Story, digredus, da vat. Brav eston, ha pebezh sonerezh ! (Hoppípolla gant Sigur Rós, un islandad, ma fell deoc’h gouzout)
• Nuit Blanche, gwenn ha du ivez, hogen un doare disheñvel-mik diouzh an hini all.

Lec’hiennoù:

• Code Organ: lakait chomlec’h ul lec’hienn hag e krouo un ton deoc’h diwar al lec’hienn se ! Ne servij da netra, met farsus e c’hell bezañ ^^
• iNudge: deoc’h da sevel an ton ar wech mañ, kalzig traoù a c’heller ober, zoken ma vo berr bepred

Gant ma plijo ^^ Mar kavan traoù a-walc’h e rin se bep sul, kuit da gaout da soñjal 😀