Motherfouzhing Star Wars !

Gwelet ho peus an trailer evit ar Star Wars nevez ? Ar seizhvet hini ? Ma n’hoc’h eus ket, kit d’en ober diouzhtu ! Gant un nebeud eilennoù (88, ez ofisiel) e vo disoñjet al lodennoù I, II, ha III ganeoc’h, ha ne voc’h ket evit gortoz miz Kerzu ar bloaz a-zeu (ya, ur bloavezh a-bezh da c’hortoz !). Dreist eo pep-tra, an aergelc’h, an neuz (kozh hag implijet), an distro d’al lunelloù ha d’an traoù savet evit gwir kentoc’h eget dre uzhiataer hepken, sonerezh Williams evel-just (sonerezh nevez, ouzhpenn-se), ar Falc’hun Millenium, an X-Wingoù nevez… Pep. Tra. Hag ar sabrenn-lazer never ivez, na! (bez e oa diouzh seurt sabrennoù er bannoù-treset dija, heh, n’eo ket dav tufañ war JJ, alato). D’am soñj e vo mat. Ya, ret eo d’ar film bezañ mat… Me ho ped… Aaaaaah ! N’hellin ket gortoz !

D’am soñj n’hellan ket lavar pegen entanet on ken mat ha gant ur gif (tumblr, setu-me !), ha n’em eus ket kavet ken sklaer ha gwir hag hemañ-dindan :

Oh ya, oh ya, Star Wars ! Lod ac’hanoc’h o do soñj eus se marteze e plij SW din forzh penaos ha forzh pegement :

Bloavezhioù war-lec’h ha ma lakaat a ra da c’hoarzhin c’hoazh (ya, n’eus ket ezhomm a galz tra).

Laouen on o welet e tistro ar skiant-faltazi hag ar space-opera diouzh ar c’hiz mui pe vui. Goude Edge of Tomorrow, Oblivion, pe c’hoazh Gravity emañ deuet Guardians of the Galaxy (a zo ur space-opera ma ‘z eus unan), a zo ennañ ur RAKOUN A GOMZ, memestra ! Rocket Racoooooooon !

Ha gros eo war ar marc’had 😉

Interstellar da c’houde, war an tu skiantel kalz muioc’h daout ma chomfe un istor dizoloiñ ha ergerzhiñ e gwirionez. Sot on bet gant an dibaboù graet gant Nolan a-fed neuz, ar pouezelloù-gouloù mod-kozh, ar skrammoù ulliv, ar robotoù karrez penn da benn, hag all. 2001-ek penn-da-benn, ur bamm. Hag an egor, evel-just.

Deoc’h da gaout soñj memestra, ne oa ket vil-put GotG kennebeut, daoust ma oa war an tu faltaziek kentoc’h eget an tu skiantel, evel ma tere d’ur Space-O (oh ya, babeh~, kalz re diouzh ar c’hiz on me ivez) :

Evit filmoù a-seurt-se e talvez ar boan c’hoazh mont d’ar sinema, d’o gwelet war ur skramm bras. Fentigelloù ur film farsus a vo ken farsus all war skramm vihan ur skinwel pe un urzhiataer, met pe Avatar, pe C’hravity, pe Interstellar e vefe, ne c’hell bezañ ken saourus d’ho taoulagad nemet pa vezont peurveuzet er skeudenn (ha c’hoazh, n’on ket bet o welet Interstellar en un Imax…). Un abadenn eo, hag arabat disoñjal pegen dreist e c’hell ar sonerezh bezañ ivez e seurt filmoù (ah, Zimmer…).

Ya, bugel on chomet sur ‘walc’h, bammet gant bedoù arall, dudiet gant euzhviled hag harozed, oc’h hunvreal eus an egor c’hoazh, hag eus marvailhoù da zizoloiñ. Ha ne ran van, keit ha ma vo krouet traoù brav ha dizoloet ivez pegen brav e c’hell ar wirionez bezañ e vin laouen o vezañ bammet ha bugel ur wezh c’hoazh.

Ar paour-kaezh kaouenn a zo dall, ha kement a stered en he daoulagad koulskoude…

Hag evit echuiñ, koulz war ar skiant-faltazi ha war marvailhoù ar gweledvaoù-egor, setu Wanderers, un tamm berrfilm brav-eston a ra tro an Etrerouedad er mare-mañ. Mouezh Carl Sagan a glevoc’h enni (diwar Pale Blue Dot, a zo ret deoc’h sellet outañ ma ‘z oc’h dedennet gant an egor pe ar skiant dre vras un disterañ), ken plijus bepred, hogen ar skeudenoù eo a zo ar bammusañ. Da welet en HD ha leun ho skramm, evel-just.

John !

Oula, faziet on gant eur iwerzhon aze, ah, boem John McCLane o terc’hel ac’haon dira ar skramm bihan (n’eo ket ken bihan se e gwirionez ^^). Filmoù ‘zo n’eont ket da gozh ! Ha forzh penaos n’ont ket beg-figus gant ar filmoù, peurliesañ. Daoust din klemm a-wechoù ha na vezañ c’hoant da vont da welet unan pe da chom dirak ar skinwel o c’havan plijus dre-vras p’emaon plantet dirak. N’eus nemet ur film pe zaou n’on ket bet gouest da c’houzañv (L’ours; Cours, Lola, cours; unan all marteze met n’am eus ket soñj eus an titl ^^). Boñ, n’an ket da welet forzh petra kennebeut (‘m eus ket gwelet Transformers pe DBZ, da skouer, ha ne rin ket, Twilight kennebeut), ha n’on ket sot gant ar filmoù spont dre-vras (peogwir ne reont ket aon ^^) pe ar filmoù gore betek re (a zo filmoù ‘spont’ peurliesañ, neketa, Saw ?), met sellet a ran eus filmoù farsus, filmoù emgann, lod evit ar merc’hed, lod politikeloc’h, ha steljet e vezen d’an Arvor e Roazhon (ur sinema Art et Essai, evit ar re n’anavezont ket) da welet filmoù na felle ket din hag a gaven dispar a-benn ar fin ^^

N’eus nemet ar priz a zo ur gudenn da vat er sinema , ur gudenn a ya war washaat siwazh ! Gouzout a ran e c’heller kaout koumanantoù evit tri gweneg-toull, met n’am eus ket an tri gweneg-toull-se bepred, ha ne fell ket din kaout un doare ‘redi’ da vont zoken pa n’eus netra dedennus. Boh, gwelet ‘vo pa vin distro e Roazhon (ya, gwashoc’h c’hoazh eo priz ar sinoch amañ, ur vezh, un 9€ bennak, gant un distaol o_Ô). En abeg d’ar gudenn priz se ivez e kavan ken dispar e vefe kavet ur bern berrfilmoù (ha lod n’int ket ken berr-se) war internet, lakaet gant o filmaozourien, a c’heller gourc’hemenniñ ouzhpenn-se ^^. A-drugarez d’ar skolioù sinema eo peurliesañ, ha raktresoù-skol eo an darn vrasañ anezho, met gant kement a draoù mat ez eus peadra da gaout plijadur hep dispign mann ebet hag hep laerezh o oberenn digant an arzourien (bah ya, gellout a reer kavout forzh peseurt film war internet, n’eo ket dav klask gwall bell !)

Anzav a ran em eus bet sellet eus filmoù war internet hep o faeañ, ha n’hellan ket tremen hep sellet eus House e saozneg (oh ma doue, mouezh 13 e galleg ! AAAAAAaaaaaAAaaaAaarrrrgggggl !), pe traoù a-seurt-se. Aesoc’h eo evit an heuliadoù, dre ma n’ouzan ket ma plijo din bepred, ha dre m’ao kalz, kalz, KALZ keroc’h prenañ DVD-où bloavezh un heuliad eget DVD ur film hepken (‘pezh a zo reizh, evel-just, pa geñverier ar badelezh), ha gwelloc’h e kavan gouzout ar pezh a brenan, evel a lâren n’am eus ket an tri gweneg-toull-se bepred ! Ar sapre John McClane a c’hellan sellet enlinenn forzh penaos, emañ ar filmoù er gêr 🙂