En tu all

Ha te, en tu all d’ar mor,
Ez pleuñv, brug ha lanneg aour ;
Ha te, en tu all d’an nor
Didrouz, pinvidik ha paour,

Pinvik a gement zo bet,
Met paour pa n’out mui nemet
Adsked c’hoantoù disoñjet,
Damskleur ur bed aet da get

Tír na nÓg, ma yaouankiz,
Tir dir annev an amzer ;
Tir tredeog d’am frankiz,
Tir glann c’hoazh a zizesper

Tir tan, pa vezez garv,
Tour-tan, pa vezen kollet,
Dir ha tan, kadoù marv :
Mann ne van en ec’honded

Nemet koun, mojenn un hent,
Miled all er milendall,
Morgezeg hag erevent :
Rouaned kozh a wezhall ;

Un hent all dre an teñval
Davet al lann alaouret,
Dreist d’ar mor ha dreist d’ar Fall
Da heul hor c’hozh harozed ;

Piv a oa ouzh ma gervel ?
Ec’honder en ec’honded,
Ur c’hogito o sevel
Goulennoù heñvel bepred

Pe te en tu all d’ar mor,
Er bed all a fellfe din
Gwelet c’hoazh dre doull an nor ;
A-raok ma vo digor din ;
A-raok ma teuio ar fin

Ar bugel

Pa oa sklaer en o spered,
Pa ne oa douetañs ebet,
Pa oant sur en o fiziañs,
Digatar o c’houstiañs
E oa kaer ha nevez-flamm
Ur bed savet gant o mamm,
E oa bev ha birvidik
Ar bed savet gant Tadig

Bremañ, kresket ar bugel,
Dilezet abaoe pell
Marvailhoù ar yaouankiz
Marzhin, Arzhur ha Kêr Is,
E kavo c’hoazh koulskoude
Hunvreoù nevez bemdez,
E kavo da brederiañ
E daoulagad gwer Liza

Sarah

En tu all d’ar mor, en ur vro na welin ket,
Plac’h yaouank glas he daoulagad, fulenn gollet,
Evit lenn an nebeud gerioù-mañ ne vi ket
Koulskoude e fellfe din gellout da welet
O vousc’hoarzhin, evit ur wech, pa ne rez ket
War ar pemdez, priñsezig he buhez kalet,
Pe re ral a wech e vefe; ha trawalc’h n’eo ket
Evit diverkañ eus goueled da spered
Ar soñjoù du a ra din anken, ha n’on ket
Eus ar re zisoursi koulskoude, gwarezet;
Fellout a rae din lavar dit, lennet pe get,
Trugarez dit evit ma lakaat da gousket
Gant ur mousc’hoarzh me ivez, pa n’em eus ket.

Argl

Hohoho, sellit ar pezh a zo erru >_<

Met pebezh penn istrogell, alala ! Me lâr deoc’h…

Lezet am eus an tamm stern ma vez resevet al luc’hskeudennoù enno war honnez (ma, troc’het eo met boñ…), da brouiñ e oa ar skol-veur mat 😀

Ah, James Browne hag e sae vigoudenn ^^ Hag aze emañ an diplom en hon daouarn ^^ Skrivet eo:

Universitas Hiberniae Nationalis

Testantur hae literae Diploma

in Artibus

in Universitae Hiberniae Nationali apud

Galviam, quae Universitas particeps Universitatis

Hiberniae Nationalis rite constitua est

ad

Moran Dipode

delatum esse

 

Die xxi Mensis Octobris mmx

 

Met, memestra, pebezh penn istrogell ! Pe istrogellus, marteze 😉

Ha distro !

Ya, ya, dale a zo ganin, met re vuan e tremen an amzer ! Ur spont. Ar vakañsoù, sur a-walc’h, hag an distro a C’halway (a zo bet folklo un tammig, memestra, daoust ma ‘z on erruet e koulz ha pep-tra ^^). Hiraezh, emichañs. Pe re a draoù da ober ! Un dibenn-sizhun a oa gant Kejadenn e Malastred, ha me e Karaez  buan-ha-buan da sadorn (siwazh, n’on ket chomet gwall bell ha n’em eus gwelet hini ebet ac’hanoc’h !) Tud a oa, memestra, levrioù dedennus… Nebeutoc’h. Soñjet am eus prenañ Buhey Prevez Lola P., da c’hoazhin un tammig (pe leñvañ, marteze), met boñ, reiñ arc’hant da EB a zo ur ranngalon, neuze n’am eus ket ^^ Ma c’hell hini pe hini e brestiñ din… Hehehe ^^

E saloñs Pluguen e vin disul a-zeu, evit ar re a fellfe dezho ma gwelet 😉 Un diviz a vo diwar-benn al levrioù evit ar re yaouank (ehehe). D’am soñj e c’hell bezañ dedennus, ha divizoù all a c’heller kaout en davarn da c’houde, hañ 😀

Plijus-tre eo bet an dibenn-sizhun e Malastred, ha kaozeadennoù eus an dedennusañ am eus bet eno, diwar benn dazont ar brezhoneg, ar skriturioù, ar rannyezhoù hag o fouez-mouezh. Ma, hanter-vezv e oamp, hañ, sur a-walc’h, met dedennus-tre e oa koulskoude (pe a-drugarez da se ^^), ha daoust ma ne oamp ket a-du da vat e oa plijus gwelet e c’hellemp komz ha breutaat, digor a-walc’h hor speredoù da gompren sav-poent ar re all. Spi a zo evit an dazont, d’am soñj, ha spi evit an amzer-vremañ ivez, am eus desket. Ma, n’eo ket gwall sklaer tout-se hep ar gaozeadenn, ha n’em eus na c’hoant nag amzer da zisplegañ pep-tra amañ :p En un davarn gant ur banne hag un nozvezh dieub, marteze 😉 (ya, ya, tavarnioù e pep-lec’h, emaon o tistreiñ eus Iwerzhon, pe’a!)

Ah, Galway, pebezh kêr dispar ! Ha pegen iskis en em gavout du-hont en-dro, evit un digarez a-seurt-se dreist holl. Souezhet e vez an holl du-hont pa vez lavaret dezho e resevomp hon diplomoù dre lizher, pe mont d’o c’hec’hat er sekretourva… N’eo ket gwall c’hlamour ! Amañ e vez ar bal de prom’ e fin ar bloaz ha tout, hag al lid evit reiñ an diplomoù, neuze ^^ Doare ar skolioù-meur Amerikan, a lavaroc’h moarvat, gant ar ‘sae’ hag an togoù karrez (evit ar merc’hed hepken, da aroueziañ ez eus un dra bennak a-us dezho, war a seblant, ha n’hellint biken mont ken uhel hag ar baotred, siñpa, neketa ? Ma, an arouez eo bet en orin marteze, hañ, n’eo ket ar spered a zo bremañ ken ^^). Hogen n’eus netra Amerikan gant al lid, saoz eo penn da benn, hag hogos digemm abaoe krouidigezh skolioù meur Iwerzhon gant ar rouantelezh saoz (1592 evit Trinity College e Dulenn, 1845 evit hini Galway, a oa evit ar gatoliked pa oa Trinity evit ar brotestanted hepken; Oxford a zo eus an 11vet, Harvard eus 1636, evit kaout ur soñj ^^). Savet e oa bet ar re Amerikan war ar patrom saoz, forzh penaos.

 

War ar skoed zoken emañ arouez ar impalaeriezh saoz, al leon; an delenn o vezañ evit Iwerzhon, an erer du hag ar vrec’h wenn evit proviñs Connacht, ar vag evit Galway hag al levr evit aroueziañ eo ur Skol-Veur. Evit lec’hiañ ar skol-veur eo, e gwirionez, eus an uhelañ galloud d’an hini lec’hel, gant doue a-us dezho holl dre al lavarenn latin. Pa oa bet savet ar Skol-Veur e oa ur c’h/Queen’s College (evel m’eo hini Belfast c’hoazh), ha n’eo ket bet cheñchet ar skoed dibaoe.

 

Anyway, chomet eo tost a-walc’h al lid, evel ma lavaren, eus an hini a veze er penn-kentañ, gwisket e vez an holl studierien gant ur sae hag un doare skerb, hag ar gelennerien ivez, gant saeoù bravoc’h, lakaomp, kinklet evel ma c’helle an dilhad sul bezañ e Breizh-Izel (Glazik pe Vigoudenn, lakaomp, ar binvidien :p Doare bigoudenn e oa hini ar prezidant, m’am eus soñ mat, gant broderezh melen ^^). Ha dilhad sul  a oa da gaout dindan ar sae ivez, evel-just, sellit eus ar baja-mañ o paboriñ, tsss ! N’eus ket peadra da vezañ fier koulskoude, darbet e oa bet din na gavout un dilhad a yafe mat din, pe ar bragoù pe ar chupenn a vanke e pep stal, ha n’ae ket al livioù asambles ha patati ha patata, betek ma kavfen hemañ, memestra ! Forz penaos e oa da vezañ kuzhet gant ar sae/kapenn, met ne oan ket sur c’hoazh e c’hellfen kaout unan, dre ma oa ret o c’hourc’hemenn, sañset ! Hag e gwirionez n’em eus bet ma hini (ar sae, neuze) nemet un nebeud munutennoù a-raok ma krogfe al lid. Pfioù ! Ma, n’eo ket ret kaout unan, met pa vez an holl o wiskañ unan e ra kloch un tammig bezañ hepti, hañ ^^ Met unan am eus bet, neuze, hag a-boan kavet ma flas ganin e vez goulennet diganeomp sevel tra ma tremen pennoù ar c’hevrennoù etre an daoù vloc’had kadorioù, da vont da azezañ e-kichen al leurenn ma pign ar prezidant hag un nebeud kelennerien a-enor warni. Paour-kaezh kelennerien all, a ran chom azezet e trañ al leurenn a-hed an abadenn, ha mont kuit er fin, gant sonerezh, setu holl, hag a-hed ar sizhun !

Ha kregiñ a ra al lid… e latin ! Eh ya, n’eo ket cheñchet an traoù pa lavan deoc’h. Evel ul lid sakr eo, ur ritual mar fell deoc’h, ha kinniget e vez ar studierien d’ar prezidant, a respont d’ar c’hinnig, e latin bepred. Div yezh, dreist-holl, a zo bet implijet e-kerzh an abadenn e gwirionez, latin ha gouezeleg :p Ret eo lavar ivez e oa an holl re er sal d’an eur se d’an devezh-se o resevout diplom pe ziplom liammet gant ar gouezeleg (a-hed ar sizhunvezh ez eus bet lidoù, peder pe pemp gwezh bembez), anat a-walc’h e oa an dibab yezhoù neuze, hehehe. Dre eurvat e oa troet an traoù e latin e levrig a oa bet roet deomp, ennañ anvioù an holl re o resevout tra pe dra er bloavezh-se (e-barzh emaon, youh!). Moan-moan eo ma latinum, edo ma fri en droidigezh neuze (e gouezeleg  oa troet, ivez :p). Hag echu gant an digoradur e krog al lodenn farsus, ma vez galvet pep hini unan hag unan da bignat war al leurenn, tra ma vez an holl o stlakañ o daouarn, da vont da gerc’hat e ziplom ha stardañ dorn ar prezidant (James Browne, ooh yeah baby, ‘felt good :p). Stardañ gant an dorn dehou, kemer un tu eus an diplom gant an dorn kleiz, treiñ war-du al luc’hskeudenner ha mousc’hoarzhin, tamm pe damm, hag hop! D’an traoñ ha galvet unan all ! Un tammig plijusoc’h eget ul lizher er voest, memestra. En drederenn gentañ e oan, ha kalz tud a chome war ma lec’h neuze ^^ Poanius e vez an daouarn er fin, dre forzh o stlakañ evit kement hini ! Met farsus gwelet eo chomet an hini a c’halve an anvioù da soñjal un eilenn pe ziv kent distagañ ma anv, souezhet ma oa moarvat o welet un anv-familh  (en Iwerzhon) da anv bihan ! Ha Dipode ne sikour ket kennebeut xD Ma, aet on, n’on ket kouezhet, na netra, sur on em eus ur penn euzhus war al luc’hskeudenn, met boñ, ‘vel e gwirionez kwa 😀 (skaniñ a rin anezhi deoc’h pa vint erru er gêr), ha diskennet didrabas. Heh, plijus eo pa vez an holl o stlakañ o daouarn evidoc’h, memestra, reiñ ar ra ur pouez ouzhpenn d’an diplom 🙂 Fifteen seconds of fame, evel ma farse ar prezidant en e brezegenn.

Ha setu ma diplom ganin neuze… E latin penn da benn! Ma zestantur en Artibus am eus a-berzh an Universitas Hiberniae Nationalis, neuze, en October MMX. Klask a rin e skaniñ, pe ec’h adskrivañ, evit ar fun ^^ War baber doare parch emañ, gant ur gwir siell e koar ha pep-tra ! P’am bo ur burev e Harvard e vo ouzh ma moger… 😀 Luc’hskeudennoù on bet d’ober war lec’h, dirak un doare panel a denne da Versailles pe un dra a-seurt-se, ohohoh, gwelloc’h e vint eget an nebeut re am eus eus ma fellgomz 😉 Ha ret e oa derc’hel an diplom rollet, c’hwezañ e jave (bez loc’h ennout! eme al luc’hskeudenner ^^), gouzout a rit, evel en holl skeudennoù a vez gwelet er filmoù !Farsus e oa al luc’hskeudennerien, sell ‘ta, ha laouen tre o welet ur breizhad o teskiñ iwerzhoneg ! Evit ur wech ma ne vez ket goulennet “da betra servij ?”, hañ ^^ Plijus-tre, daoust d’ar priz 😉 Ma, gwelet vo pa erruint ma talveze ar boan, met dreist e oa an devezh forzh penaos, un dra ne c’hoarvezh ket alies en hor studioù ! Me zo sur e vefe stagoc’h an dud d’o diplomoù ha d’o skol-veur gant un dra ken sot hag ul lid a-seurt-se.

Aet on

Boñ, n’em eus ket lakaet traoù amañ abaoe un nebeud devezhioù (war-bouez hir a respontoù da Barisot), evit abegoù liesseurt, ha n’hellin ket lakaat kalz a dra kent dilun a-zeu d’an nebeutañ, dre ma ne gasan ket ma urzhiataer ganin da Iwerzhon (n’eus ket plas !). Marteze e kavin unan du-hont ur wech ar mare, da lakaat un nebeud soñjoù ha da gontañ ma buhez (oh-so-dedennus), gwelet ‘vo. E-mod all e tozvin ur mega-notenn pa vin distro, gant luc’hskeudennoù emichañs, deoc’h d’ober goap un tammig eus ar Moran oc’h ober e damm furlukin ^^

D’am soñj e vo mat din mont kuit eus ar Stad brein-mañ (ne gomzan ket eus ma stad din-me, evit ur wech :p), gwelet traoù all, daoust ma vefe pell ar Stad iwerzhonat a vezañ direbech. Ma, cheñch aer un tammig, gwelet tud en-dro ha glebor sklas Galway, mmmmh 🙂 Un dra bennak a zo gant Iwerzhon, n’ouzon ket petra re vat, met disheñvel e vezer pa vezer war an enezenn. Ar Fomoire, marteze, per ar boudiged, n’ouzon ket, met un dra bennak a zo. Ha kêr Dulenn, ivez, ma vez gwelet an Istor, hag an istorioù, warni c’hoazh. Un aergelc’h a zo, unan dibar d’ar re all, ha n’eo ket ouezh e vefe bet kement a skrivagnerien o lakaat Dulenn da dudenn, pe da foñs meurdezus ha lous, d’an nebeutañ. Un dra bennak a zo.

Ma, evel-just ne vo gwir kement-mañ nemet ma teuan a-benn da vont da Naoned, kentañ tra (na rankfe ket bezañ re ziaes memestra, d’ar gwashañ-holl e kavin tud en ur c’hoari biz-meud xD), ha, dreist-holl, ma zo dour-tan gant ar c’harr-nij ha ma vez e lezet da zibradañ. Evel-just eo e Naoned ez eus ar muiañ a gudennoù gant an dour-tan, ha n’ouzon ket re petra eo stad an harzoù-labour en aerborzhioù met boñ… Sell ‘ta, setu ur stourm efedus, stankadennoù a servij d’un dra bennak, hep trenioù, hep kirri-nij, hep dour-tan e vez diaes d’ur vro kenderc’hel da vont, hag e pleg ar gouarnamantoù. Hag aze on prest da vezañ hegaset, peogwir e tegaso un dra-bennak. Hep skolioù-meur… E vo pout ar bobl, ar pezh a fell da Sarko ha d’e vignoned forzh penaos, hervez ar mac’hagnañ a reont eus an deskadurezh. E gwirionez emañ stankerien R2 o sikour ar gouarnamant ! Omd ! :p

Ha dre ma vez nebeutoc’h a dalvoudegezh gant un aotreegezh (pe un diplom all) tapet en un hanter-bloavezhiad kentelioù e vo tu d’ober fae war studierien R2, hag e teuo nebeutoc’h a dud eno (ar pezh a zo bet gelet goude pep stankadenn), da lavaret eo e vo nebeutoc’h a dud o stourm, peogwir e vint e skolioù-meur n’o deus ket spered stourm Roazhon 2 (ar spered a zo mat, hañ, an doare a zo null). A-benn ar fin e vo koll ar stourm, ur wech ouzhpenn. Padal e c’hellfemp bezañ penn-araok ur stourm nevez, ha bodañ an dud, kreñvaat levezon hor spered, gwelaat ar vro, ar gevredigezh hag he c’heodedourien, pe klask, d’an nebeutañ. Met ne vo ket, evel-boaz e vo ‘stankaaaaaañ‘, evel ma huchfe lod all ‘braaaaaaaaains‘. Brein-s, kentoc’h.

Gortoz a ran ivez ar mare (a zeuio buan ma n’eo ket deuet dija) ma c’halvo an AG da vanifestiñ evit an dud dibaper, al lojeiz, Haiti, chase ar balumed hag Hadopi, kement ha meskañ pep-tra ha tanavaat ar stourm, hañ. Pe doare ar spagetti eo marteze, bannañ pep tra ouzh ar gouarnamant ha gwelet ar pezh a beg ? Mat eo stourm evit pe a-enep d’an holl draoù-se, ha ret eo en ober, met pep-tra war an dro ? Ne ra nemet morañ pep stourm en ul latarenn distumm ha diefedus. Unvaniezh ha sklaerded, n’eus nemet e-giz-se e ya en-dro, pep stourm d’e dro, efedusoc’h e vezer pa vezer holl gant an hevelep pal. Divide et impera, pa lavaran deoc’h, seul vuioc’h a balioù disheñvel seul ziaesoc’h. Evel-just eo teorikel, met n’eus nemet sellet eus ar stourmoù diwezhañ, hañ, pouf-pouf c’hwitet pep-tra. Gouarnamant Sarko n’eo ket evel hini Chichi, ha kentoc’h eget c’hoari pom-pom-girl dirak ar savadur B e vefe mat paouez gant ar chichioù (see what I did there?) ha bezañ efedus. Mod all e c’heller chom da stankañ betek hor 65 bloaz (67 ? :p), ivez, hañ, kement hag ober, ne vo ket efedusoc’h.

Kroget evel m’emañ e vo stanket ar skol-veur betek ar vakañsoù forzh penaos (d.l.e. e yelo an holl studierien d’ar gêr hiziv goude ar vanif’ ^^, pe pa vo trenioù adarre :p). Ha me o soñjal e c’hwitfen kentelioù gant an tamm beaj-mañ, ahaha, pegen buoc’hig ^^ N’eo ket gwall strik, gant ma vo ur skol-veur c’hoazh pa zistroin, ha gant ma ne vo ket bet re a zistruj (bah ya, distruj hag graffiti-añ an añfioù a zo ken efedus, hag a dorr kement revr ar gouarnamant, wou-c’hoù ! Ha kement hag ober e vefe mat distruj an taolioù hag ar c’hadorioù ivez, hag ar prenistri, evel boaz, hag ar mekanig sncf ivez, Sarko n’hello ket prenañ e vilhed er skol-veur, na pegen añmerdet e vo ! /goap). N’ouzon ket perak ez eus kasoni ouzh ar Skol-Veur gant lod studierien, soñjal a rae din e felle deomp he difenn, un nebeud bloavezhioù ‘zo ?

Ma, ne vin ket aze da respont neuze n’eo ket dav tagañ ac’hanon en evezhiadennoù 😉 Pe ket diouzhtu d’an nebeutañ. Ma, pe grit ha tabutit etrezoc’h :p Me a vo oc’h evañ Guinness, sañset, hag o kaout un tammig craic a-raok distreiñ d’ar vro. Pe marteze e vo stanket an holl aerborzhioù hag e vo ret din chom da evañ Guinness pelloc’h, nag ur vezh e vefe !

Bezit fur, da c’hortoz (emañ Nedeleg o tostaat ! 😉 )

On the road again

Alala, distro er vro ^^ Plijus eo bet, met pegen hiiiiiiiiiiiiiiiiiiiiiiiiiiiiiiiiiiiiiiiiiir ar veaj ! Gant ar c’harr e vez hir dija, met 15 eurvezh karr-boutin… Oh ma faour-kaezh pennadreñv !

Ur gouelig plijus e oa memestra, e banlev Strasbourg, hag aozet gant tud jentil a-walc’h da reiñ tikiji deomp da gemer an tram da greiz-kêr ar gerbenn europat 🙂 Bretzel, flammenkuche, gwin gwenn, gwin ruz, bier, spaetzle… Un degemer mat 😀 Ha plijet en eus an t-shirt droch dezho, hehehe ^^ A-benn ar fin e oa ur gouel ‘fañfaroù’, ha stolladoù a-seurt se a oa dreist-holl, ouzhpenn d’ar skol sonerezh lec’hel gant o sonadegoù lisseurt ^^ Da noz hon eus sonet ni, pa oa klouar ha plijus tre an amzer, pell tre eus an 38°C a oa e kreiz-kêr Strasbourg ! An dra vat nemeti gant seurt tommder a zo e ra vat ar banne bier muioc’h c’hoazh eget boaz, ehehe ^^^N’omp ket bet mezv poch, met peadra a oa da lidañ, deizioù-ha-bloaz, diplomoù, hag all ^^ A-boan loc’het ar c’harr-boutin eus Kemper e oa digoret ar champagne (ha skuilhet ul lodenn :p), pemzek eurvezh war-lec’he kendalc’he ar banneoù da zont… Ha fresk ha kempenn an dud evit eniñ da noz koulskoude, ar boaz emichañs ^^

Ha souezhet an dud du-hont gant pegen galloudus e c’hell ur bagad bezañ, pegen kreñv ^^ Goude ploñploñoù ar strolladoù all e oa souezhus sur a-walc’h ^^ War hol lerc’h koulskoude ez eus bet ur strollad, ‘La Fanfare en Pétard’, a oa dispar, meskaj binviji fañfar (trompilh, tuba, saks…) ha kan doare rap/ragga, dreist da vat ! O lakaat a rimp da zont da Vreizh un deiz bennak ^^

Ruilhet hon eus ‘pad an deiz hiziv, eus 8e vintin da 10e noz, ha sellet eus ur bern filmoù… Neuze… Sellit eus ‘Le concert’, a zo ur film dispar savet tro-dro ul laz-seniñ rusat o tont da Bariz da seniñ Tchaikovski dre guzh un tammg, e plas an hini ofisiel. Graet eo brav-tre, hag al lodenn fin, ar sonadeg end-eeun, a zo marzhus da vat. War an tu all penn da benn, na sellit ket eus 2012, a zo ken null m’eo farsus, ma welit ar pezh a fell din lavar. Dirollet e oa an holl er c’harr-boutin oc’h ober goap eus ar paour-kaezh aktourien truilh hag ar forzh petra a c’hoarveze ^^

Ma, da gousket, skuizh marv on da vat ha warc’hoazh e vefe mat din bezañ dihun da dapout paotr UPS hon eus c’hwitet warnañ digwener :p

22

Hop, hop, hop, ur bloavezh ouzhpenn o terriñ revr ar bed ^^ Evel bep bloaz n’en em santan ket gwall zisheñvel diouzh an deiz a-raok, warc’hoazh e vo kaletoc’h ma dremm marteze, hag em bo poan blev, met gwelet ‘vo ^^ Gouzout a ran vez e vo tarzhet ma skevent hag em bo poan brec’h, met n’en do netra da welet gant al lidañ ^^

Ne choman ket gwall bell  neuze, traoù am eus da ober, met ken plijus eo Elzas ha biskoazh, mat ar bier, hir ar veaj, netra dreistordinal ^^ Farsus eo memestra beajiñ gant ar bagad, pa vez bet tapet ur pifadig (hey, apero, mem’stra !) e krog an holl da ganañ, hag ur strollad gallegerien o kanañ an Alac’h hag o c’houzout ar pozioù dindan ‘eñvor a zo souezhus :p Ha kanaouennoù all a-seurt-se ivez, hehe. Evel-just ez eus un nebeud brezhonegerien er strollad, met kanañ a ra an holl da vat xD

N’eus ket tu da lavar e rafe Bodadeg ar Sonerion (yay Gwened !) kalz strivoù evit ar brezhoneg, met stag e vez an dud d’ar sevenadur en desped da bep tra. Evel just ez eus fazioù e pep lec’h, ha ral a wezh em eus bet gwelet titloù reizh… Met kollet am eus spi war an dachenn-se un tammig, ma ne zeuont ket da c’houlenn ha ma ne reont ket tamm forzh ebet gant ar pezh a lavarer… Boñ, he, chomomp gant un imor vat, deiz-ha-bloaz laouen din :p

Aet on !

Tamm pe damm ^^ Prientet ar peadra, dilhad, benveg, peadra da lidañ an deiz-ha-bloaz, hehe ^^ Ur c’hard ac’hanon a zo Elzasad, neuze (un hanter bigoud’ hag un c’hard treger, ‘mod all ^^), ha gant plijadur ez an du-hont, da evañ bier ha gwin gwenn ha da zebriñ kaol-go (mmmh, ket gant an amzer-se, marteze) ha bretzeloù. An t-shirt a gomzen diwar e benn an deiz all a gasin ganin, evel-just ^^

Unan eus perzhioù mat seniñ en ur bagad eo, beajiñ, mont ha dont e pevar korn ar bed (a zo ur voul, ya, gouzout a ran ^^). Ar wech-mañ n’eo nmet evit un nebeud eurvezhioù, siwazh, dre ma’z omp kuit fenoz evit distreiñ disul nozn (un 12 eurvezh hent bennak gant ar c’harr-boutin…), ne vimp du-hont nemet un devezh neuze, ar 26, hehehe ^^ Seniñ a reomp da noz, klasket vo chom divezv memestra (ya, ur bagad eo met sirius omp war traoù ‘giz se memestra, enor ar strollad a zo da zerc’hel digatar). Mont da vro Spagn, Alamagn, bro Skos, Sina, Senegal hag all n’eo ket fall ^^ Ha mont da seniñ er Stade de France, er Zenith pe en Olympia n’eo ket fall kennebeut, dreist-holl pa ne baeit ket an disterañ gwenneg toull ^^

Ur mare diaes a-walc’h eo evit strolladoù sonerezh, pa ne vez ket arc’hant gant ar gouelioù d’hol lakaat da zont bepred (beñ, e penn pellañ Breizh emaomp memestra, n’eo ket an tostañ eus Nice pe Vienna ^^). Dre chañs eo Bagad Kemper unan eus ar re vrudetañ (goude Lann-Bihoue ^^), ha digredus eo an niver a sonadegoù a vezo graet en daou viz-mañ (unan bep sizhun pe dost ^^). Marteze ho po tro da zont da selaou, ma’z oc’h dedennet gant seurt traoù ^^ Souezhus eo gwelet pegen plijet e vez an dud en estrenvro, gwir eo ez eus ur galloud gant seurt sonerezh, hag eo kreñv ha nerzhus ar binvioù, met e Spagn da skouer e oa ur bern o tañsal (evel a felle dezho, hañ, ket al laridenn ^^), o stlakañ o daouarn hag oc’h heuliañ ac’hanomp, ur blijadur 🙂

Istorioù buhez

Marteze —marteze— ez eus bet kavet roudoù buhez war d/Titan, ar brasañ eus 62 loar Sadorn. N’eo ket forzh peseurt loar e gwirionez, brasoc’h eget Merc’her, un aergelc’h dezhi, skorn forzh pegement… Dedennet eo ar skiantourien ganti abaoe pellig, met aet int war-raok un tammig c’hoazh. Ma lennit ar pennad liammet a-us e welot buan n’eo ket sur tamm ebet, hag e fell d’ar skiantourien studiañ an displegadennoù all da gentañ, met er poulloù metan pe etan a zo warni ez eus buhez marteze. Ha m’eo gwir emañ ur bern traoù o vont da cheñch.

Titan, 5 150km e dreuzkiz, e kichen Sadorn, 120 536km (hini an Douar : 12 756km)

Kentañ tra… Beñ… Buhez war ur blanedenn all… M’eo ret din displegañ perak eo pouezus, n’ouzon ket re ‘pezh ‘maoc’h oc’h ober ouzh ma lenn ^^ Rak ma ‘z eus buhez e daou lec’h en hor c’hoskoriad deomp hepken, n’eus tu ebet e vefemp an hini nemetañ a-seurt-se e -touez ar miliardoù a goskoriadoù a zo er stergoumoulenn, hag en hollved. Met evit poent ne raemp nemet klask planedennoù  a denne d’an douar, a fed tolz (pe mas) ha pelladur eus an heol. Sadorn, ha Titan neuze, a zo kalz pelloc’h eus an Heol eget n’emañ an Douar. Tu a vefe da lieskementiñ al lec’hioù da glask buhez eno en dazont.

Eil tra a-bouez, ma teu ar pezh a zo bet rakwelet da wir e vo bet kavet buhez en diavez eus an dour. Un dourenn eo ar metan war Ditan (re yen eo evit an dour, skornet eo, met dourek eo ar metane eno), da lavaret eo ivez e vo klasket muioc’h a-draoù war-bouez dour. An neb en eus prederiet pemp munutenn diwar-benn klask buhez e lec’h all en deus soñjet e oa sot un tammig soñjal e rankfe pep buhez bezañ krouet evel war an Douar. Ya, hag ar skiantourien ivez, met aesoc’h eo klask traoù a anavezomp hag a c’hellomp diellfenniñ. Ma kavomp buhez war Ditan e vo ul lodenn all eus an doareoù-se a zo gant ar vuhez da ziorren a vo anavezet ganeomp ! Hag evit ur skrivagner skiant-faltazi n’eus netra gwelloc’h. Pegen borrodus chom gant an hevelep doare gouennoù hepken ! Boñ, gant an istor emaon o skrivañ e oa ret d’ar gouennoù pennañ en em dennañ un tammig, a-fed biologiezh d’an nebeutañ, evit ma yafe an istor en dro, met ur wech ma vo bet torret un tammig ar soñj dour=buhez hag he resiprokenn e penn al lenner λ e vo aesoc’h e lakaat da grediñ er pezh a zo skrivet, pe da grediñ e c’hellfe c’hoarvezout, d’an nebeutañ. Sellit eus darn vrasañ ar filmoù skiant-faltazi arallvediz enno, an darn vuiañ anezho a zo ‘denek’ en o stumm, peogwir eo aesoc’h ijinañ emaomp e penn ar chadenn, a stumm graet da ren war bedoù. Ma fell deoc’h kaout  un alien feuls ha drouk ? Roit stumm ul loen dezhañ kentoc’h.

Boñ, n’eo ket ur ouenn speredek a vefe kavet, hañ, mikroboù, bakteriennoù, hepken, met e-giz-se hon eus kroget ni ivez. Marteze eo kelchieg ar vuhez dre amañ, Meurzh da gentañ (daoust ma ne vefemp ket sur e vefe bet buhez, ha daoust deomp en em c’houlenn ma chomfe an disterañ roud e skorn ar poloù), an Douar da c’houde, Titan bremañ. Hag al lodenn wellañ en afer-mañ ? Unan eus loaroù all Sadorn, Enseladus (pe Enselad, n’ouzon ket peseurt anv a zo bet roet e brezhoneg), a zo dour dindan he gorre, ha memestra evit Europa, unan eus loaroù Yaou. Aze neuze ez eus doareoù tostoc’h eus ar pezh a anavezomp dija. Ar gudenn ganto o vezañ eo ret mont da glask dindann gorre ar blanedenn, toullañ betek an dour. Un nebeud bloavezhioù ha kalz arc’hant a vo ezhomm c’hoazh emichañs, arc’hant a c’hellfe bezañ dispignet da skoazellañ tud amañ… Met piv ne fell ket dezhañ kaout ur respont sur d’unan eus goulennoù bras hon hollved : ar vuhez !  Â !

Ha da c’hortoz, setu amañ ur skeudenn krouet ganin gant photoshop, diwar hogos netra ^^. Plijadur a c’heller kaout pa ‘zo amzer da goll, ha kalz traoù a zesker. Luziet eo ar poellad-se ur spont, dre ma c’heller ober pep-tra e kant doare. Kant bro, kant gizh, kant efed kant benveg, met laouen on gant an disoc’h ^^ :

Hag evel boaz e c’heller cheñch  al livioù aes-tre :p Planedennoù mouk, melen fluo, roz, limestra, ‘pezh a fell deoc’h ^^ Met brav e oa e glas, ar boaz gwelet hon hini marteze 😉 Hag un dra c’hoazh : ul livadenn eus koskoriad an Heol, brav-tre (haha, ha laouenn on -me gant ma flanedenn… >_<), bras-tre ivez. Dilennus eo an testennoù peogwir e vefe RE vras ar skeudenn, met gellout a rit he c’havout en he ment gwirion amañ, ul liamm a zo er pennadig-kinnig war DA an arzour(ez ?), Licoti.

J-3

Ah, ur wech c’hoazh n’am eus ket kalz amzer, ur gouelig sioul a zo fenoz evit kimiadiñ, amañ er ranndi, fre ma ‘z omp daou o vont kuit a-benn nebeut. Siwazh eo klañv lod, lod all o labourat pell, hag all, ne vimp ket gwall niverus 😉 Hehe, muioc’h a wastilli evit ar re a chomo 😀 Un cheesecake eus-ar-marv-a-lazh a zo bet graet adarre, hehehe, kement ha tapout ar c’hiloioù kollet en-dro (atav e vezan o koll ma zraoù, n’eo ket sirius ^^)

Kimiadiñ ne blij ket din, ha n’ouzon morse penaos ober, petra lavar ha penaos bezañ. Perak ne reer ket gouelioù degemer kentoc’h ? Laouenoc’h e vefemp diouzhtu :p Spi am eus en em welimp en-dro. Bewech ma vez raktreset traom e vez un abeg bennak a zinac’h an tu… Mmmmmmh, kavet ‘vo un doare 🙂

Ur mega-sangria a zo bet graet (c’hwezh vaaaaaaaaaat a zo !), na vezit ket souezhet neuze ma teuan mezv-poch da skrivañ amañ diwezhatoc’h ^^ Klask a rin bezañ fur memestra !

Troioù kaer e Korkig

Ah, me lâr deoc’h ! Pebez istor, avañturioù zo bet ! Kentañ tra, an hent. En Iwerzhon e komprenan an dud a bren ur pouar-pouar (ya, me skriv petra me ‘m eus c’hoant :p) e kêr ! An hent etre Galway ha Limerick (pe Gaillimh ha Luimneach ma fell deoc’h) a zo ur spont ! Toulloù a zo chomet en ter-du abaoe ar goañv-mañ hag ar skorn a oa bet… Toulloù bras ! Se hag adlammoù ar c’harr… Argl ! Ne oa ket ur c’harr kozh (nag ur c’hozh karr) koulskoude, ur Polo. Ma, stad ma fenn a-dreñv e fin ar veaj ne oa ket eus ar c’hentañ, dre chañs e oa gwelloc’h an hent eus Limerick da Gork, un hent-pras nevez (M7, whaaaaa ^^) ! Pemp e oamp er c’harr, stardet un tammig, hag unan eus an tommañ devezhioù a zo bet en iwerzhon abaoe pell e oa, evel just ! Ur 25°C bennak en disheol, soñjit ‘ta !

Anyway, erruet e Korkig emañ kroget an traoù. Kentañ tra: kit da weladenniñ ar gêr-se. Brav eo ur spont, ur meskaj etre tuoù mat Galway he re Zulenn; etre 200 000 ha 400 000 a dud,hervez ma kontit ar banlev pe get, met ur ger gant kalz glasvez ha lec’hioù digor ha sklaer. Evel-just e seblant pep tra sklaeroc’h ha bravoc’h pa vez an heol o parañ, met memestra. Hag evit ur wech ez eus Ilizoù brav. An ilizoù a vez en Iwerzhon peurliesañ a zo lod karrez-tre ha goloet o mogerioù gant chik (pe krampouezhi, kompren neb a gompreno :p)… N’eo ket dispar da welet. Met du-hont ez eus lod a zo brav-tre (e Dulenn ivez, memestra ). Kalz brasoc’h eget Galway eo, met buan e reer an dro eus kreiz-kêr ivez (evel Roazhon un tammig 🙂 ). Ma, setu, kit. N’ho ‘po ket keuz, sañset.

Anzav a ran ne oa ket bet raktreset pep-ta eus ar gwellañ. Aet e oamp du-hont evit ar fest-noz a vefe, aozet evit ar Siber aze (zoken ma vez unan graet evit Gouel Erwan forzh penaos). Soñjal a rae deomp dont da seniñ ha da ganañ neuze, ha da sikour a-you-vat e mod-all (skiant prenet gouelioù ha standoù Diwan, neketa ^^). Soñjal a rae deomp neuze kavout tud aes a-walc’h d’hol lojañ, ha n’on oa ket miret ur gambr en ul leti bennak. D’ar gwashañ-tout  kouskfemp er c’harr, a sonjemp neuze, ne vefe ket ar wech kentañ ha berr e vefe an nozvezh forzh penaos ^^ Erruet e kreiz-ker eo bet hir kavout ur plas. Ha pa skrivan hir e fell din lavar HIR, ‘keta. Teir eurvezh hon eus lakaet eus Galway da Gorkig (201 km…), hag un hanter-eurvezh d’an nebeutañ da gavout ur plas en ur parking ker-ruz (hir eo pa vezit en heol-kras, ha 3€40 an eurvezh er parking !). Ur wech kavet ar plas hon eus gallet kejañ gant ar re a aoze ar fest-noz, hag unan anezho da lavar deomp en eus kavet ul lec’h deomp da gousket. Dispar ! Betek ma lavarfe deomp e oa ul leti-yaouank, e oa deomp da baeañ (se c’hoazh, n’eo ket souezh, met memestra !), ha 25€ dre zen ! Ha ni o soñjal e vefe bretoned laouen o reiñ bod, tsss ^^ Boñ, dre-chañs hon eus nac’het, 25€, gant ar vezh, lod all a oa er fest-noz ivez o doa kavet letioù-yaouank all da 16€… Alalala ! Hey, bigouter on memestra !

Goude treiñ un tammig e-kêr ha cheñch plas d’ar c’harr hon eus divizet debriñ ar sandwichoù bet kaset hag evañ ur banne (bet kaset ivez). Parket e oa bet ar c’harr e-kichen ar pub ma vefe ar fest-noz ennañ (ma vez graet bier ennañ ivez !), ha dirazañ war vord ar stêr hon oa pozet hor revrioù war ur vogerig. Hop hop hop, debret an traoù e welomp unan a anavezomp oc’h erruout hag ez eomp da welet penaos e vo al lec’h evit an noz. Goude pemp pe zek munutenn eno en em rent kont ar blenier a-daol-trumm en eus disoñjet e zoug-paperioù hag alc’hwezioù ar c’harr war ar vogerig ! Argl. Distroet buan (20 metrad pelloc’h e oa, hañ)… Netra ken. Klasket hon eus war al leur, er poubelennoù, er plant tro-war-dro. Netra… Ha pep-tra er c’harr, seier, mantilli, binviji sonerezh !! Hag ur goulenn hepken ganeomp: e pelec’h emañ an eil re alc’hwezioù ?! Daou dra a oa posubl: e Galway pe… ‘Barzh ar c’harr ! Goude un hir a vare o fachañ, o treiñ hag o tistreiñ ha goude bezañ bet d’ar Gardaí (An Garda Síochána, gwarded ar peoc’h, ar polis, pe’a) e vez divizet gant ar blenier distreiñ da C’halway (daoust da dud bezañ gouest da glask evitañ du-hont… Ma, gwir eo ne oa ket kalon gantañ da ober tra pe dra, met hep e baperioù eo bet ret paeañ ar mont-dont dezhañ…).

Un tu mat memestra: gant an afer-e eo bet aesoc’h deomp goulenn digant an dud ma c’hellent  hol lezel da gousket en o zi, tapet berr ma oamp. Ha diaes eo bet koulskoude, me lavar deoc’h ! N’hellan ket mirout rak soñjal e vije bet kalz aesoc’h e Breizh. Rak bretoned ne oa ket kement-se e-touez ar 150 a du a oa er fest-noz, kalz gallaoued dedennet gant Breizh ne lavaran ket. Ma,  n’eo ket ar mare da vezañ Jakobin marteze, met memestra ^^ Eus ar pemp ac’hanomp ne chome nemet pevar, ha daou ha daou e ejomp da gousket e ti tud (an daou baotr eus un tu hag an div blac’h eus an tu all ^^), gwir vretoned ar re se :p Ma ne vefe ket an alc’hwezioù e Galway e oant er c’harr (spi hon oa, d’an nebeutañ, ne vefent ket chomet e Breizh pe un dra a-seurt-se, rak ur c’hemperad e oa ar blenier, o chom e Galway abaoe ur bloavezh hanter, met 29 war e blakenn memestra), er c’harr, neuze, hag e vefe ret deomp terriñ ur prenestr anezhañ sur a-walc’h, kentoc’h eget lakaat ar blenier da zistreiñ (ha paeañ). A-benn ar fin memestra hon eus kavet gwelloc’h ma teufe, kentoc’h eget displegañ d’ar fliked perak e oamp o terriñ ur c’harr ne oa ket deomp e mod ebet >__< Da vintin e oa erruet neuze (ha ni ouzh e c’hortoz en ti-gar e penn ar gêr o c’hwitañ warnañ ha o kaout da zistreiñ d’ar penn all evit netra…!), ha galvet gantañ niverenn ur potailher a oa bet roet deomp gant paotred Maraí-Robhaín (ur boliserez, e gwirionez). Met 95€ evit frailhañ ur potailh ? Mersi ‘m eus ket ‘im. Gwelloc’h varc’had ar prenestr emichañs (un daou-zor eo ar c’harr, ha ne zigor ket ar prenistri a-dreñv).

Goude bezañ kelaouet an amezein e krogjomp da glask trement ur fustig metal dre an nor, a-benn tizhout ar poezelloù prennañ a oa war gostez dor ar blenier. Siwazh, goude kalz strivoù ha bizied e pilhoù (a-boan ma santan penn daou pe dri anezho hiziv c’hoazh, ur spont) e komprenjomp e oa ret d’an alc’hwezh bezañ er potailh evit kaout tredan da lakaat ar poezelloù da vont en-dro… Blev neuze, ha ni da gregiñ da skeiñ war ar prenestr gant ur maen lemm ! Eh beh, solud ar c’honerioù-se, me lavar deoc’h ! Hag un trouz spontus er straed a-bezh. M’ho peus ur Polo, na rit ket biloù, ne vo ket aes da laerezh ! En heol o poazañ e krogemp d’en em c’houlenn ar pezh a rafemp… 95€ evit ma vije digoret, hep gouzout pegement a vefe ret paeañ da gempenn marteze (c’hwenennoù-tredan a vez en alc’hwez ha tout, n’eo ket ken aes-se digeriñ !). Ur chañs diwezhañ a vefe roet d’ar feulster, ha dao da c’houlenn ur morzol digant an amezien ! Un taol, daou daol, ha Krak ! Haha, ken e laoskjomp ur griadenn/a reas d’an aod ur grenadenn (poentoù bonnus am eus evit an dave ? 😀) Hag e-barzh e oa an alc’hwezioù, hallelujah :p

Skuizh an holl ac’hanomp memestra e oa poent mont gant an hent, goude bezañ kempennet ar prenestr gant forzh seizer poubelenn ha skotch bras :

[Ur fleüt eo ‘barzh da chakod pe laouen out ouzh ma gwelet ?]

 A-hend all e oa plijus ar fest-noz, ha berzh a zo bet gant an tamm kan-ha-diskan hon eus graet. Lavaret zo bet din ivez e oa bet un dedi gant Goulwena e Roazhon evidon ha Marianna ^^ Brudet war an etrerouedad a-bezh, youc’hoù ^^ Ah, troioù-kaer en ur gêr vrav ha gant un amzer dispar, gwashoc’h en efe gallet bezañ kalz. Tugarez d’an holl a oa du-hont neuze, ha da Glevri, Gwendoline, Geoffrey ha Thomas (hor blenier, haha ^^) evit ar veaj :p

D-7

Divinit ar pezh a zo er forn ? 😀 Ohoho, diouer a raio din pa guitain an ti-mañ ! Tartezenn avaloù an taol-mañ, ret mat eo cheñch, ha cheesecake+gwastell chokolad (unan doubl, gant ganach hag ur glerenn (mmh, n’ouzon ket re ma vez implijet ar ger-mañ evit ar boued ?)) hor boa bet an deiz all dija 🙂

Emaon o vont da Gorkig evit an dibenn sizhun, neuze, ha prientiñ un nebeud notennoù en a-raok, da vezañ sur ne glaskin ket skrivañ un dra bennak ur wech mezv-poch (ar pezh ne c’hoarvezo ket, evel just :p ) diwar ur siber-kafe bennak  ! War a seblant n’eus ket kalz a dra da welet er gêr (war bouez ar Skol-Veur xD ) neuze e vo ret mat kavout un dra bennak da ober. Gouzout a rit pet pub a zo e Korkig ? N’on ket sur e vo amzer a-walc’h ganeomp d’o gweladenniñ holl ! Ret ‘vo distreiñ un deiz all neuze. N’ouzon ket ma vezo skignet ar fest-noz a-benn ar fin, it d’ober un droig war lec’hienn an Tour-tan warc’hoazh da noz ! N’eus ket ur ger brezhoneg ennañ, gant ar vezh (pe kuzhet mat e vefe ? Ur vezh kement-all)… Servijer an diaspora, ma revr. Ma, fachañ ne servij da netra.

Krog on da renkañ ar bordel a zo ‘barzh ma c’hambr un tammig, da brientiñ ar sac’hadiñ, pe ar malizenniñ; emaon e soñj implij an 30kg aotreet betek an disterañ gramm ! Al levrioù eo ar gudenn dreist-holl, peogwir e oant bet kaset din gant ur c’harr ha peogwir em eus prenet un 30 pe 40 bennak dibaoe >.< Pevar a chom war ma zaol-noz e gwirionez, hanter lennet peurliesañ (n’ouzon ket re perak e lennan meur a hini war an dro, na c’houlennit ket !). Ne vo ket an dilhad ar gudenn, se a ouzan dija 😀

E gwirionez eo ar fest-noz un doare da brientiñ ma distro, hehe, un tammig a Vreizh em Iwerzhon, ha sonerezh da ziverglañ ma bizied a-benn seniñ gant ar bagad, dispar ^^

Tud, tud, tud ^^

Farsus eo an niver a dud a vez o tremen dre an ti-mañ e-kerzh ar sizhun ! Pevar omp o chom ennañ, met hanter muioc’h (!) a vez bep sizhun d’an nebeutañ, da noz peurliesañ ^^ Ar merc’hed o tont d’en em brientiñ kent mont d’ar c’hluboù (dre m’emañ an ti ‘tal-kichen kalzig boestoù-noz), tud o tont da bakout ur banne, debriñ un tamm gwastell (evel just ^^), pe komz hepken, hag all ^^ Ret ‘vefe deomp kinnig an ti evel B&B, arc’hant a vefe !

Ha dont a rara ivez mignoned a gerioù all, tud o doa ar re all bevet ganto, da skouer, ha spi a ro din en em adwelimp ivez, ha ne vo ket diaes kavout ul lec’h da gousket pa fello din ober un dro war enez ar melchon (gwir eo e vez kalz anezho e lec’hioù ‘zo ^^). Ur boud sokial eo Mad-Den, sañset, a dro da sot pa n’hell ket kehentiñ, pa n’en dez darempred ebet, e mod pe vod, gant tud all. Ah, met bremañ e vez aes kehentiñ hep bezañ gant tud pe o gwelet. Gant ar pellgomz e oa bet cheñchet kalz traoù, evel-just, met gant internet bremañ… Netra aesoc’h, hag a feur ma ya e vez galloudusoc’h galloudusañ an urzhiataerezhioù, ha herroc’h-herr ar rouedad, hag e vez aesoc’h kas skeudennoù, video-où, hag all. Ha gant ar pellgomzioù hezoug o tont da vezañ ken galloudus all (hag kalz muioc’h a dud o prenañ pellgomzioù kar d’an iPhone) e kendalc’ho da vont war-raok, ha ne vo netra ken anat ha gervel unan bennak dre video.

War an tu all n’ouzon ket ma fellfe din bezañ gwelet bewech ma vezan galvet, da vintin dreist-holl ^^ Ar pezh zo mat gant ar pellgomz a zo n’eus nemet ho mouezh a gont. M’eo ret ober un dro dirak ar melezour a-raok pep galvadenn n’omp ket erru 😉 War an tu all eo dreist gellout en ober, ha gellout gervel ho familh evit netra pa vezit en estrenvro a zo plijus a-walc’h (daoust m’eo ret displegañ d’ho mamm penaos e ya en-dro !). Bremañ ma vez ar wifi e muioc’h-mui a lec’hioù foran hag a diez e vo aes kavout ul lec’h da c’hervel evit netra, dreist-holl pa vez tu bremañ da lakaat Skype (pe Google Talk pe me-oar-me) war ar pellgomzioù. N’eo ket souezh e vefe gwerzhet koumanantoù internet gant an holl re  a werzh pelgomzioù hezoug !

Son un dazont da zont

*Evezh, un notenn mabuhez.com eo honnezh, m’emaoc’h o klask soñjoù don emaoc’h war ar blog fall e vefe ret distreiñ diwezhatoc’h ^^*

Un devezh el levraoueg o labourat, toutou abred fenoz, un arnodenn a zo warc’hoazh da 9e30, hini ziwezhañ ar bloavezh ! Chom  a ra eztaoladennoù da echuiñ, met tostaat a ra fin ma maread en Iwerzhon da vat bremañ. N’ouzon ket ar pezh a zo ganin met toull-didoull eo ma c’housk er mare-mañ, klask a rin bezañ diskuizh mat (n’eo nemet 10e30 amañ, padal eo 11e30 e Breizh ^^), an arnodenn diwar-benn ar yezhoù keltiek a-vremañ eo, dedennus-tre !

Trist on un tammig o treiñ ur bajenn all e levrig ma buhez (unan a vil pajennad ?), met laouen war an tu all o welet ez eus lod all a seblant rakskrivet endeo gant plijadurioù da zont. Echuiñ ma levr, da gentañ penn, n’am eus ket gallet ober c’hoazh en abeg d’ar reuz a zo bet gant ar menez-tan hag an niver a draoù o deus cheñchet em flanning dirapar dija, ul levr a zo ken tost da vezañ echuet koulskoude ! Pa soñjan e oa sañset bezañ echu e miz genver d’an diwezhatañ… Komz a rin diwar-benn se un deiz all, p’am bo amzer just a-walc’h, ar fazioù brasañ am eus graet en ur raktresañ al levr-se… Ma ne blij ket e vo pulluc’het ma spered.

 Raktresoù e-pad ar vakañsoù, raktresoù ar bloaz a-zeu, peadra a vo da ober: kavout ul labour bennak e-kerzh an hañv, labourat war ur geriadur saozneg-brezhoneg, prientiñ ur raktres kazetenn etreskolveur, ur gelaouenn all marteze ivez (‘keta ?), diboultrennañ ma levrioù D&D, kregiñ ul levr all gant Marianna marteze (chut, n’am eus lavaret netra !), kenderc’hel gant ma enklaskoù war ar bed all, kenderc’hel gant troidigezh WordPress, mont donoc’h gant soñj Rekipedia (hohoho !), adlakaat ma skevent ha ma bizied da labourat er bagad, skrivañ barzhonegoù ha klask embann… Traoù a vo da ober, ya ! Hag e-kerzh ar vakañsoù ez in d’an Erer Kozh,  da Gembre e-pad div sizhunvezh, da Aostria marteze… An holl draoù se mui ar burutellañ a brometan abaoe pell, tresadennoù a-vil-vern, pennadoù hiroc’h…

Hey, ne seblant ket re fall an traoù, gant ma erruo an dazont-se buan.

Gelligoù

War seblant ez eus daou beul d’am buhez er mare-mañ: labour ha brownies. A-benn nebeud e kavin brownies war ma gwele ha ma faperachoù er forn… Hogen c’hwezh vat a zo o tont eus ar forn, war a seblant e c’hoarvezo ur wech all ^^ Div sizhun a chom din da vezañ sur o do soñj an dud diouzhin, ma brownies e vo ma herelezh d’ar vro-mañ. Lesañvet an Awesome Brownies of Epic Tastiness dija, soñj o do, soñj o do !

Gant un tammig chañs o do soñj ar gelennerien ivez, hag e c’hellin labourat ganto diwezhatoc’h; seve ur rouedad, neketa. Plijout a rafe din mont d’ober un dro e Cambridge pe Harvard un deiz bennak. Bruderezh a vez evito er gevrenn brezhoneg peurliesañ, doktorelezhioù arc’hantaet ganto… Oho, pegen plijus e vefe (ha n’eo ket fall war ar CV). E Harvard e vefe ar gwellañ, peogwir emañ er States, er Massachusets, nepell eus megalopolis Boston/New York/Philadelphia/Washington. Haha, studioù dispar,  beajiñ, en ur vro saozneger, paeet dre ar skol-veur. What’s not to like ? Hag ur skol-veur Veritas he ger-stur, n’eo ket dispar, se ? Evit ur wech n’eo ket relijiel, ouzhpenn-se, ar pezh a zo ral er skolioù meur saoz hag amerikan. N’eo ket ne blijfe ket “Le vrai miroir de nos discours est le cours de nos vies” din (sapre Mich’ Montaigne !), met boñ… Veritas !

Mat eo kaout hunvreoù, d’am soñj. Ha pa ma ne zeufent ket da wir zoken. M’ho peus holl ar pezh a fell deoc’h, daoust ha dedennus eo bevañ c’hoazh ? Ur c’hempouez eo emichañs, etre an hunvreoù-se ha kaout plijadur gant ar pezh hon eus. Un afer dibab hunvreoù a seblant posubl, marteze (nann, ne vin ket kampion Olempek ^^ Gortozit, ur genstrivadeg straniñ a zo ? Kampion ar bed e vefen, a-dra-sur). Brav soñjal ez-teorikel, met n’eus nemet en ur vevañ e welin.

Ha prest eo ar brownie, ne vern penaos ^^

p.s.: Veritaaaaaaaaaaaaaas !

Ding !

Ya, torr-revr on gant ma sifroù, met ding ding ding ! 100 notenn ! Aha, vat a ra. Daoust ma seblant din emaon en ur mare kleuz un tammig dre ma ne ran ket kalz a dra war-bouez skrivañ eztaoladennoù ha n’am eus ket kalz a dra da gontañ ez on laouen da vezañ tizhet ar bon-se 😀 Laouen dreist-holl peogwir e talc’han da vont hag e kavan se plijus. En em santout a ran un tammig evel e rehab’, e digontammiñ, oc’h adkavout plijadurioù ar pemdez hag o welet e c’hellan ober traoù, talvoudus pe get. Ha vat a ra. Hop hop, dalc’homp da vont !

Siwazh n’am eus ket bet amzer da brientiñ tra pe dra a-ratozh; fellout a ra un tamm gwastell deoc’h ? Graet vo unan deoc’h. Ur banne punch ? Ma, graet vo unan ivez, mar fell deoc’h. N’oc’h ket deuet da evañ hepken, spi ‘m eus ? Marteze e chom un dakennig wiski, gortozit. Ah, ya, aze ‘mañ. Piv ‘n do ur bannig ? MacAllan, 12 vloaz. Plijout a ra din kalz, anat deoc’h, gant un anv ‘giz se n’eus ket da dortañ ^^ Mmmmh ? Ya, n’eo ket fall ar punch met n’on ket paotr ar rom, ma lakaat a ra klañv, met evit ‘ta, evit, arabat ‘chomfe anezhañ ! Lakaet e vo Nadine d’ober un cheesecake deoc’h e-keit m’emañ ar wastell avaloù o poazañ, ha chom a ra brownies eus derc’h da noz. Ya, da noz e reomp gwastilli bepred, kit da gompren perak !

Nann, n’eo ket gwall vrav ar voketenn aze, gouzout a ran, ar bleunioù flashy war foñs du… Hag ar gourvez-vank… Met klet eo,hag ar c’hadorioù kement-all, daoust d’o liv ! Ma c’hambr ? Eeeee… ya, an nor er foñs du-hont. Ket an tu se, an tu all. Ya, setu. Met na yit ket ‘barzh, direnket eo ur spont. Ne soñje ket din e teufed, ha n’am eus graet nemet labourat enni e-pad ar sizhunvezh hanter ziwezhañ, paperachoù a zo o straniñ e-pep lec’h, levrioù ha geriadurioù war ar gwele, hini an Here war a Robert & Collins, ar Gleo en ur c’horn ivez gant ur geriadur saozneg unyezhek, loeroù lous war al leur… Ah, setu ma geriadur saozneg-iwerzhoneg. Ya, echu ar c’hentelioù pellig a-walc’h ‘zo bremañ. Ma, lezit an nor-se ha deuit amañ kentoc’h ! Ar privezioù ? Dres ‘kichen ma dor, an hini greiz. Setu, dres.

Eh, piv ‘n eus ur benveg luc’hskeudenniñ ? ‘M eus ket kemeret luc’hskeudennoù eus an ti zoken, tsss ! Hag evit ur wech ma ‘z omp holl asambles, ha gant ur benveg ! Pep-ep ! Deus amañ, an holl war ar skeudenn, sur on ez eus un daleer. Boñ, mat, met ur skeudenn all a vo graet ganit warni neuze. Eh, c’hoant am eus da gaout eñvorennoù ^^ Hag evel a lavaren un deiz all e c’hello bugale hon emsav deomp-ni ( petra vo graet anezhañ, an emsav sioulik ?) ober goap ouzhimp a-benn daou-ugent vloaz, pa vo brezhoneg e korn pep straed. Oh, mat eo, tu ‘zo da c’hoarzhin, n’eo ket dav distreiñ da Bejiach bepred. Lorc’hus pe get e kendalc’h ar marc’h da vont. Ur sapre marc’h-labour, ‘keta ?

Ah, prest ar wastell-avaloù, piv ‘n ‘o un tamm ? Reol-voued ? Peseurt reol-voued ? Moan out evel arguzennoù Sarko, moan evel geriaoueg Brud-Nevez ! Ale hop, un tamm, ha m’eus c’hoant klevet abeg ebet, netra, na bu na ba. Seeetu. Aha, soñj o peus eus an devezh kentañ ma oan erru amañ ? Ne oan sur eus netra, nag eus petra a rafen nag eus pegeit en grafen. Ha n’ouzon ket gwelloc’h hiziv ! Aha ! Dre chañs emaoc’h aze memestra, hag e vez tud o lenn. Pellig ‘zo n’oc’h eus lavaret netra, keit m’emaon ganti, ken dizedennus-se eo ? Mmmh, gwir eo n’eus ket kalz a dra da lavar pa gontan ma buhez ^^Meuh nann n’eo ket ur rebech, rhooo, n’eus ket tu da lavar e lakafen kalz evezhiadennoù er mare-mañ kennebeut.

Gouzout a rit e vo un doare abadenn pa vo roet an diplomoù iwerzhoneg ? Gant an dilhad hir hag an tog-studier amerikan, aze, c’hwi oar ? Oho, distreiñ a rin evit-se tra ken, piv n’en deus ket bet c’hoant bannañ e dog droch en avel ? Aha, fun e vo. Mmh ? E miz here war a seblant. Ya, mont a rin evit se hepken, sur ‘walc’h, emaon o paouez lavar se, evit an abadenn ha gwelet an dud kwa. Oh, plijus ‘vo d’am soñj. M’am eus an diplom, ‘vel just, met ne vo kudenn ‘bet sañset. Bah, nann, gwir eo, ne servij ket da galz tra, met farsus eo war ar seve, ha plijus evito gwelet estrenien dedennet, d’am soñj ! Ale, deoc’h c’hwi bremañ, n’ouzon ket ma vez graet ar memestra gant kembraeg… N’eo ket anveet evel yezh ofisiel en Europa, geo ? Ah… Dont a raio un deiz bennak ! Ha ni an deiz war-lerc’h, emichañs. Da c’hortoz n’omp ket en ul lec’h re fall e gwirionez. Kollet hon eus hogos pep tra hag emaomp oc’h adc’hounid tamm ha tamm… Diaes ‘vefe bezañ e stad falloc’h, neuze e yelo war wellaat. Ya, pa varvo ar re gozh e vo izel-izel an niver a dud. Met ne chomo nemet tud oc’h implij da vat, marteze. Gouzout hag implij… N’eo ket ar memestra, ‘keta ? Met trawalc’h gant se, n’oc’h ket deuet da vagañ soñjoù du. Petra nevez ganeoc’h ?

Un tamm gwastell all ?

Skingomz

Ah, so much evit skrivañ hiroc’h diwezhatoc’h, erru on er gêr ha kouezhet evel ur vrikenn war ma gwele. Toutou. Dont a rae ar perc’henn da gemer ar feurm mintin mañ ouzhpenn-se, neuze e oa ret din sevel, tamm pe damm. E gwirionez eo deuet gant 3 eurvezh dale (ludu ?), gallet ‘m befe kousket pelloc’h neuze, met kalz traoù am eus da ober. Gant tout an afer se em eus dale war ma labour, em eus c’hwitet un arnodenn… Traoù a zo da aozañ evit en em dennañ, mailoù all da gas, pellgomz marteze, goullo eo an armel ivez, ret ‘vo mont da brenañ traoù. Beuh. Graet ‘vo, graet ‘vo. Etre daou on neuze, laouen da vezañ distro a-benn ar fin, ha na gaout da wiriañ ar c’heleier ha lec’hienn Ryanair bep eurvezh, met war an tu all eo ret din plantañ ‘barzh bremañ, un hir a sizhun e vo.

Un dra vat a zo bet gant tout ar beajoù-se, mont-dont da Roazhon ha Naoned: dizoloet am eus ar skingomz en-dro (a-drugarez d’am lenner mp3 a zo un tuner ennañ, dreist-holl ^^). Boñ, n’eo ket aes en tren evel-just, dre ma cheñch ar gwagennoù bep 10 kilometr (ha sirius on)…. N’eus nemet ar skingomzoù brasañ a c’heller selaou didroc’h pe dost ( ha c’hoazh, Inter pe Info a dremen mat, met evit selaou eus France Cul… Erf, aze emañ an abadennoù dedennusañ koulskoude !). Ha me da soñjal er skingomzioù brezhonek neuze, peogwir en deus divizet ma empenn liammañ pep-tra d’ar yezh (petra ‘n ‘efe Freud da lavar diwar-benn se, hañ ?). Boñ, pell ‘zo ez eus ur abadennoù e brezhoneg (ah, RBO radio ar vro, RBI radio an ti ^^), pell pell zo zoken. Deuet omp a-benn da gaout traoù a zoare, skingomzioù rannvroel e brezhoneg penn da benn (Kerne, Arvorig FM, Bro Wened, hag all…), peogwir int be fin: kentoc’h eget ober pep hini e damm afer en e gorn e rannont o abadennoù, dre ma skignont dre zepartamant tamm pe damm. Marc’hatmatoc’h evito, selaouet muioc’h an abadennoù, abadennoù an devezh-pad pe dost, brezhonegoù a bep rannyezh e pep lec’h, n’eus nemet perzhioù mat. Ya met… Eee, ah bah netra, n’eus met ebet. Evit ur wech e teu an dud a-benn da labourat asambles, digredus ! Ya, sur on eo evel pep lec’h hag e vez brezelig, met un disoc’h a zo d’an nebeutañ, ‘pezh n’eo ket fall dija !

Mar lavaran em eus dizoloet ar skingomz hag e blijadurioù adarre e talvez ivez ne selaouan ket kalz eus ar post, o pezo komprenet. N’eo ket e kavfen displijus, hogen sonerezh a vez em diskouarn peurliesañ, pe dik-tik an douchennaoueg, diaes din selaou un dra bennak aketus hag ober un dra all war an dro (un empenn paotr, neketa ^^). Anat neuze e vefe e-kerzh beajoù e selaoufen, p’am beus netra all da ober. Ret eo lavar ivez ne gavan ket gwall zedennus an abadennoù a vez kinniget peurliesañ. Ne lavaran ket n’int ket mat, met ne zedennont ket ac’hanon. Ma vefe tabutoù dedennus, diwar benn ar gevredigezh a-vremañ, teknologiezh, an estrenvro, ma ne vefe ket ken kreizennet pep tra war Breizh e vefen dedennetoc’h (Me AbMyselfson, hañ, ma ali, netra all). Bed ar brezhoneg troet war-du e doull bepred ? (ha peseurt toull !) Marteze, met n’eo ket ur rebech da vat amañ, kit ‘ta da gavout brezhonegerien gouest da dabutal war seurt dodennoù… Pe… Kit da gavout brezhonegerien gouest da gomz brezhoneg… C’hem…

War a seblant ez eus poan a-wechoù o kavout brezhonegerien zereat da ginnig an abadennoù, n’eo ket dav goulenn re marteze neuze… Ur wech bennak e vefe ret ober un abadenn e galleg gant ur galleg ken paour, ha gwelet ar morad lizhiri klemm oc’h erruout… *huanadenn* Bahbahbah, daoust d’ar medium bezañ kozh e chom buhezek, ha dont a raio brezhonegerien nevez ivez, da harpañ an nebeud re ne reont ket poan d’am skouarn. Ha gwir eo emañ pell galleg ar skingomz a vezañ disi, oc’hoc’ho, ya, pell-tre.

Perak en em gavan o klemm bewech ma komzan eus ar brezhoneg, rhooo ! N’on ket un tad kozh c’hoazh koulskoude. Er c’hontrol zoken, ne lavaran ket e oa mat pep-tra a-raok, er c’hontrol, soñjal a ra din e vo gwelloc’h en dazont. Met evit gwellaat e vo ret mat komz eus pezh n’a ket, hañ ?

Argl

Diwezhat on ! Ne oa wifi ebet e aerborzh Naoned (tss !)

E Shannon emaon aze, er bus o c’hortoz. A-benn un mare ez imp da C’halway… Hiroc’h a skrivin du-hont !

Tapet er gêr

Aha, war a seblant ne fell ket da Island ma lezel da vont da Iwerzhon en-dro ! Ólöf, te ‘ni eo ‘zo kaoz ? ^^ Hehe, ne vefe ket direnkus ma n’em befe ket traoù da rentañ du-hont hag arnodenoù da gaout ! Stress ? Me ? Taaaaaaaamm ebet

Un dro gaer evit ar bigi avat, dibosubl mirout ur plas war ur ferry bremañ, aet int holl ! Mont war-neuñv pe gant un aerlestr bennak savet em liorzh ? Mar soñjan kreñv-tre e yelo ar goumoulenn kuit martez, hehe. Den ne oar ma pado un nebeud devezhioù pe ur c’hantved, siñpa, kalz traoù a zo da zeksiñ gant mab-den, neketa. Ha ni o prientiñ beajoù da Veurzh n’anavezomp ket an Douar ken mat-se e gwirionez (ar meurvodroù a zo diana a-walc’h, da skouer…).

Alala, ha ret eo gwareziñ ar blanedenn ? Hahaha,  mat-tre e ya ar blanedenn. An dud ‘ni eo a zo en arvar ! Ur pennad stur dedennus a oa gant Libé hiziv o komz diwar-benn-se just a-walc’h… Ne lennan ket Lib” boaz met klask a reomp heuliañ ar pezh a c’hoarvez ^^ Bah, gwelet vo penaos e tro an traoù, ha disgreskiñ a raio an derez-gwrez un tammig a-drugarez d’al ludu 😀